بسم الله الرحمن الرحيم
السلام عليكم ورحمة الله وبركاته,
من زمان وانا افكر اكتب هالموضوع لكن حسن الظن بالناس واعطائهم الاعذار يمكن
غلط ...مايدري.....الخ
زي ماتعرفون الحين المواد الغذائيه وغيرها اسعارها غاليه جدا وفوق هذا راح
تشوفين بالفاتوره مبلغ اعلى من المبلغ اللي اشتريتي فيه
كيف؟؟؟؟؟؟؟؟؟؟؟؟؟؟
راح اذكر لكم مثالين صاروا لنا شخصيا وقصه لوحده قريبتي.......
الاول/مره اشترينا اغراض بسيطه جدا وطلعت الفاتوره مبلغ وقدره.......
المهم قاله اخوي كيف كذا ؟؟؟
قال تعرف كل شيء ارتفع
حاسبنا وطلعنا
انا ما ارتحت لما رجعت البيت
طلعت كل الاغراض وحطيتها قدامي
ومعي قلم وورقه والفاتوره
واشوف الغرض والسعر واكتب واشطب المهم
حصلت على التالي:
اشترينا كرتون طماطم بــــ 12 ريال
والموجود بالفاتوره
خضروات:12*6=72 ريال
تخيلوا يعني كاننا ماخذين 6 كراتين طماطم
ضاربين الرقم بسته
وكان فيه حاجه بعشره ريال ماهم حاسبينها قلنا يمكن غلط ماعليش؟؟؟؟
المره الثانيه/ماخذين كمان من غرض اربع حبات
لما راجعنا الفاتوره حاسبين
الاربع حبات في بداية الفاتوره
بعدين مزويدن حبه بنهاية الفاتوره
يعني يرجعون الجهاز عليها مرتين او ما ادري ايش سالفتهم؟؟
المهم انها تزيد قيمة الفاتوره
والقصة الاخيره حصلت لوحده قريبتي
كمان هم عائله ماشاء الله تقول اخذنا اغراض
وطلع الحساب 1200 ريال
ولدها على طول حاسب وطلع
تقول قلت له مو معقوله الاغراض اللي اخذتها بهالقيمه اكيد فيه خطأ
وتقول وبرجع بعد ما بغوا يحطونها بالسياره اقنعته يرجعون الاغراض على المحاسب مره ثانيه
لما حاسب من جديد طلعت الفاتوره 800 ريال
شفتوا الفراق 00 4ريال
لانهم يحطون الجهاز على الغرض مرتين وثلاثه من حرصهم انهم
يحسبونه ويمكن لاحظتوهم
وعلى فكره ترى الرجال مايهتمون بالموضوع وعادي عنده
يحاسب ويطلع اهم شيء يخلص من السوق
فا انتم بنفسكم راجعوا الفاتوره.........
نور وضي @nor_ody
محررة برونزية
يلزم عليك تسجيل الدخول أولًا لكتابة تعليق.
المتفائلة411
•
جزاك الله خير
حتى محلات الماركات ايام التخفيظ يحسبونها لك بسعرها الاصلي مشكلتنا اننا ماننتبة ولا نحاسب مضبوط
وعليكم السلام ورحمة الله وبركااته
نور وضي
جزاكي الله الف خير ان شاء الله
الله يعطيك العافيه ياااااااااااارب
ربي يسعدك وينور دربك
نور وضي
جزاكي الله الف خير ان شاء الله
الله يعطيك العافيه ياااااااااااارب
ربي يسعدك وينور دربك
الصفحة الأخيرة