السلام عليكم ورحمة الله وبركاته
سر النعوووووووومه وجربو وانتو الحكم على قد ماشريت مرطبات غالي ورخيص يديني تخشن بسرعه وتسمر بسرعه بس هذي ياربي لك الحمد تدووووووم وتدووم وتدووووووم الحين ثالث يوم من استخدامها ويدي ناعمه الحمدلله ماخشنت بسرعه مثل اول مع العلم اني ما انظف الا بكلور:( وبيدي بعد ظريبة النظافه لا احد يستغرب هههههههههه
تفضلوا:
م ح / يعني ملعقة حلا
الخطوة 1/
م ح /عسل
عصيرليمونه
م ح /زيت جلسرين
م ح /زيت اللوز
م ح /ملح يوكو
م ح / غسول جل انا استخدمت بالطحالب لشد تجاعيد مفاصل اليد كاتبه لي دكتور
ممكن تحطي اي غسول يناسبك
نخلط جميع ماسبق وتوضع على اليدين مع عمل مساج مريح لمدة خمس دقايق او اكثر حسب رغبتك ووقتك طبعا بس مو اقل من هالوقت
الخطوة 2/
م ح /فقس
يضاف الفقس لليدين فوق الخلطة وتكملي مساج خمسة دقايق اخرى او اكثر حسب رغبتك ووقتك بس مو اقل من هالوقت
الخطوة 3/
تغسل اليد بالماء فقط لان بالخلطة في غسول فما يحتاج اي صابون
ثم ترطب باي مرطب تحبينه انا رطبت بكريم فازلين للترطيب وتوحيد اللون
الله يابنات عمري ماحسيت انتعاش كذا ونعومة كذا ليديني والاحلى النعومة والبرودة مثل النسمة شي روعه حسيت براحة عجيبه حتى مزاجي تغير للافضل طبعا
/والفقس هو سر نجاح الماسك/
بالنسبة لريحته ماتبقى ابدا باليد بعد غسلها وترطيبها لان الخلطة فيها غسول والليمون تخفي ريحته وانا عن نفسي ماتضايقني اصلا
اللي بتسال تفتح ولالاا توي جربتها وراح اكمل بمشيئة الله لانها سهلة ومنعشة ومريحه وماتاخذ عشرة دقايق او ربع ساعه دلع ليدينك