حسبنا الله سيؤتينا الله من فضله انا الى الله راغبون

اتومه ودي نتقاعد اليوم قبل بكره (لي 12 سنه مدرسه ) وماخذه اجازه من الضغط النفسي
بس خليهم يخلون التقاعد بعد 15 سنه وشوفي اذا ماطلب التقاعد 90% من المدرسات بس هم يقولون التقاعد بعد 25 سنه والا مالك الا (مكافاة نهاية الخدمه "راتب ست شهور") وحنا علينا قروض 25 سنه حليها ياقلبي

اختي حبيبتي ترى المدرسات عليهم اقساط ولا موحب في القومه الصبح وغثى بعدين كل واحد ياخذ نصيبه قدمي على المدارس اهليه وخذي خبره بدل ماتتحسري وتحسدي
اخت سكون سلفيني 500بترضين ارجعها 448 ترى المدرسات محسودات والله يعلم الي زوجها مخذ صرافتها والي ابوهامبهذلها لاتحسبينهم مبسوطين وراضين

صادقه والله صادقه

والله كان عندنا مدرسه في الثانوي وربي عجوز بالعصا تمشي والله العظيم !!

ولما كنت بالأبتدائي صف خامس كان عندنا مدرسه تقول لي 16 سنه ادرس والحين انا في الجامعه وشفتها قبل فتره وباقي ماشاء الله موجوده وربي حاله الله المستعااان

انا قبل سنتين يوم رحت اخذ ملف بنتي في الثانوي عشان انقلها مدرسه ثانيه تخيلو لي اكثر من عشرين سنه متخرجه من الثانوي وحصلت معلماتي والاداريات بعد لا ويوم شافتني وحده وعرفتها على نفسي واني كنت ادرس هنا وجايه عشان بنتي اللي بلثانوي قالت يوه كبرتينا وتحاول انه مااحد يسمعها ,,

فأقول الله يرزقهم من واسع فضله بس خلي الطريق للي وراك تقاعدوا وافسحووا لنا المجال ,,والله المستعان