لي قريبه تنحدر من عائله ماشاء الله تبارك الله الذكاء فيهم شئ عجيب هي واخوانها دايم متفوقين لما كانوا في المدرسه والحين اللي منهم طيار واللي مهندس واللي دكتور واللي سفير يعني كل اخوانها منااااااااصب ماشاء الله لكن قريبتي هذه خل نقول اسمها وفاء من هي صغيره كانت حلللللللللللوه وذكيه:27: وشاطره في دراستها لدرجة كانت تاخذ المرتبه الاولى على مدرستها وكانت موهوبه في الرسم والخط كانت تكون اشكال فنيه ابداعيه من مواد بسيطه جدا والكل ينبهر فيها لدرجة يتجمعوا عليها الطالبات والمدرسات كلهم ويستغربوا كيف سوت كذا
المهم كبرت وفاء ولما صار عمرها 13سنه تقدملها واحد اكبر منها بكثير بس اعزب وتحت ضغط عائلتها تزوجته وسافرت معاه لمدينه ثانيه وسابت دراستها الي كانت متعلقه فيها بالمره ومن هنا تبدا معناتها زوجها هذا كان شديد ومغرور وكان له علاقه بوحده ثانيه يحبها ويموت عليها طبعا وفاء كانت حاسه من اهماله لها وتطنيشه بتقولون ليه ماتزوج اللي حبها اقولكم عشان انها مو من ثوبه ولا قبيلته ولا مدينته واهله ناس شديدين مايرضون الا ببنت ديرتهم
كانت تقضي وقتها كله مع الجيران لانه مو فاضي لها وكان دايم يبن لها حبه للثانيه وتوصل يكتب على كاسة المويه اسمه واسم حبيبته ويحط بينها قلب :44:المهم وفاء صبرت وتحملت وفي هذه الفتره حملت منه وجاءها ولد وهو خلاص صار ناوي يتزوج حبيبته بعد ماصار عمر الولد سنه ونص اخذها ووداها لاهلها وسافر بعدين ارسل ورقة طلاقها :44:طبعا هي انصدمت بس كانت متوقعه لانه عايش معاها بجسده فقط
رجعت تكمل دراستها وولدها معاها والتهت مع صاحباتها ونست اللي صار لها بس تقدملها واحد ثاني ورفضت وثالث ورفضت ورابع وكان شايب في65سنه وهي تو عمرها 17سنه طبعا تحت ضغوط فظيعه من اهلها اجبروها تتزوجه لانه كان غني وواصل هي رفضت وصاحت وقالت مااتخيل نفسي معاه بس اهلها صمموا وقالوا لها هذا اللي بيدللك ويسعدك تزوجيه ولاتتردي ابد
طبعا ماكان منها الاانها تستسلم وتوافق وتزوجته وسابت دراستها من اول وجديد وراحت معاه وسكنت مع زوجته الاولى وبناته مع انه كان مقتدر لكن فضل يخليهم سوا
كان طيب معاها بالمره وطبعا رضا انها تاخذ ولدها معاها واعتبره ابنه تمام بعد ماتخلى عنه ابوه
كانت الزوجه الاولى وبناتها في حضور الاب وش زينهم معاها واذا غاب يوروها الويل وحركاتهم خبث من تحت لتحت وحسد وكره هي مسكينه صغيره واحتارت كيف تعاملهم لا الطيبه نافعه معاهم ولا التطنيش وهي منصدمه من حركاتهم ماتعودت عليها كل يوم يفاجوءها بشئ جديد :06:
كثرت المشاكل صارت تطالبه ببيت منعزل عنهم عشان تقدر تعيش حياتها على راحتها وكل ماوافق وجاء بيحطلها فروا مخه وغير رايه على طول عاد هي تعبت معاه قالت مافي الا اصبر واتكيف معاهم هذا من غير ولدها جننوه يكرهوه مررررررررررررررره ويحرضوا الاب دايم عليه وعلى امه احيانا يسمعلهم واحيانا لا المهم تعذبت كثيييييييييييييييييييييييييييير معاهم وجلست متحمله عشر سنين لحد ماتوفى زوجها هذا واخذت ولدها ورجعت لاهلها مره ثانيه وطلعت من المورد بلا حمص الورث تقاسموه ولا اعطوها شئ ورجعت تكمل دراستها مره ثالثه طبعا
هي هنا صارت تتعب نفسيتها وصارت تتهجم على الناس من غير وجه حق دراسنها فصلت منها الكل انصدم اش فيها ليه تسوي كذا يعني صارت لما تجلس مع الواحد فجاءه كذا ترمي عليه كلام مع انه ماسوا لها شئ ابد وكلام قاسي ويجرح واذا رد عليها تثور فيه وممكن تمد يدها عليه ونفس الشئ مع امها وابوها واخوانها صارت يوميا تختلق مشاكل وتطين عيشتهم وتولع بيتهم نااااااااااااااار من المشاكل الكل استغرب كانت هاديه وش زينها وفجاءه تقلب قالوا ممكن حاله نفسيه من كثر المشاكل وبعدين بتهدى وتروق بس للاسف تطورت حالتها وصارت من سئ لاسوا انعزلت عن الناس والعالم وصارت تكره شئ اسمه نظافه حياتها انقلبت ونحففففففففففففت مرررررررررررررررررررررررررره وصار اللي يشوفها كانها في السبعين طبعا وها وهي في عز شبابها صارت ماتكلم احد ولا تحتك في احد بس ياويل اللي يقرب منها والا يكلمها على طول تثور فيه وولدها ياعيني عليه الكل ناسيه ابوه لاهي عنه وامه بس تضربه وتسبه وتتكلم عليه :(:44:
رفضت كل اللي تقدموا لها واستمر وضع العزله اللي هي فيه سبع سنوات او اكثر طبعا كانت ترفض العلاج نهائي او انها تروح لشيخ تقول ماني مجنونه طبعا اذا عصبت تصير تتكلم بكلام كله قذر جدا وسبحان الله يصير فيها قوه عجيبه المهم اخذوها اهلها بالقوه وقرو عليها واستمروا فترة شهرين واعطوها حبوب مهدئه ومضاده للاكتئاب بعد مازارت طبيب نفسي وهددوها اذا زادت سوت شئ بيودوها مستشفى النفسيه هي خافت وهديت شويه وصارت تختلط بالناس مع اني احسها من جوا تغلي تبغى تسوي مشكله الشيخ يقول مافيها شئ وكمان المستشفى يقول اكتئاب بسيط كيف بسيط وهي في حاله مايعلمها الا الله عايشه في عالم وحدها منعزله عن العالم الخارجي ولا تسمع من احد وكارهه الناس كلهم عن بكرة ابيهم حتى ولدها :icon33:
بالله بنات ادعولها بالشفاء العاجل وان الله ينصرها على من ظلمها ويرزقها الزوج الصالح والذريه الصالحه واللي يعرف اش حالتها هذه وكيف علاجها يقول والله اها تحزن ماتهنت في شبابها كل اللي في سنها مبسوطات ومتزوجات ومخلصات دراستهم وهي دافنه نفسها بالحيا والله اللي يشوفها مايحس نهائيا انها عايشه مع الناس صارت شكل ثاني احنا ماندري اللي فيها عين اوسحر او حاله نفسيه الله واعلم ابوها ماقصر حاول يعالجها باللي يقدر عليه بس هي عنيده مره ويخاف بعد تاذيه واخوانها دورهم جدا ضعيف ولا كانها اختهم الا واحد منهم ماقصر معاها ياقلبي عليها والله اني احبهاوارحمها واعرف انه مو بيدها ومو بسيط اللي مرت فيه لكن مانقول الا الله يرفع عنها ويشفيها يارب:icon33::icon33::icon33:
ام فراس و @am_fras_o
عضوة نشيطة
يلزم عليك تسجيل الدخول أولًا لكتابة تعليق.
(قبل الرحيل) والله انها عاشت حياه صعبه مرررررررررررره واللي ذكرته ولا شئ منها اتهامها في عرضها مع انها والله على مااقول شهيد انها اشرف من الشرف ذاته وكانت ملتزمه مرررررررره وكانوا دايم يتريقوا عليها ويقولوا جت المطوعه راحت المطوعه طبعا باستهزاء اسال الله ينصرها عليهم ومشكوره حبيبتي على تفاعلك ودعواتك وكلامك عين العقل بس فين اللي يسمع اخوانها لاهين عنها وابوها شايب
انا زيزي
•
الله يشفيها ياااااااااااااااااااارب هذا ضحية اهلهاااااااااااا مسكينه تعبت بحياتها ولا عاشت طفولتها ولاشي تحملت الكثيرررررررررر الله يعينها
اللهم اشفها عاجلاً غير آجل
اللهم أعد لها عزّها وتميّزها
اللهم وأبدلها حياة سعيدة هانئة
اللهم أبعد عنها شياطين الإنس والجن
اللهم أعد لها عزّها وتميّزها
اللهم وأبدلها حياة سعيدة هانئة
اللهم أبعد عنها شياطين الإنس والجن
الصفحة الأخيرة
حسبنا الله ونعم الوكيل ..
طبيعي تجيها حالات نفسيه زين إذا مافقدت عقلها ..
الله يسامح أهلها رموها للنار وتركوها تنحرق وهي لسا مافتحت عالدنيا ..لا حول ولاقوة إلا بالله ..
هذه يا قلبي عليها يبغالها إعادة بناء من الصفر البنت منتهيه ومدمره .. يبغالها أحد يقوي الوازع الديني عندها أولا ويصبرها ويبغالها أحد يكلمها بحكمه وعقل وياخذ بيدها ويعالجها ويحاول يرجع لها بسمة طفولتها المسلوبه وشبابها اللي رااااااااح ..
لازم تترمم من الداخل لحد ما تتغير جذريا وتكمل دراستها وتهتم بولدها وتحط أملها بعد الله فيه تربيه أحسن تربيه ..ولامانع إذا أتقدم لها رجل صالح تتزوجه وتكمل حياتها بشكل طبيعي بس يكون مقارب لعمرها مو شااااايب ينهيها معاه ..
الله يعينها ويفرج كربتها ويساعدها ويشفيها من مصابها الجلل ويقويها ويصبرها ...