راحت شغالتنا .. كيف نستغني عنها ؟؟

السلام عليكم ورحمة الله وبركاته
انا متزوجة وعندي بنت
امي الله يطول بعمرها ويشفيها ويمدها بالصحة والعافية دلعتنا انا وخواتي واخواني طبعا حنا 3بنات و3اولاد
من عرفت الدنيا وحنا لازم شغالة بالبيت تسافر شغالة وتجي الثانية اصبحنا للاسف اتكاليين ومانعرف لشغل البيت طبعاانا متزوجة من 3سنوات صراحة اول سنة ماعرف لشي ابد وخاصة اول زواجي تعلمت الرز على زوجي ههههههه لين ضبط الحمدلله من النت تعلمت وشغل البيت تعلمته و كان البيت مأساة
مو هنا الموضوع
طبعا انا الكبيرة وعمري 26 وخواتي لسى ماتزوجوا وامي مسويه عملية اعصاب بايدها
شغالة اهلي هجت برمضان واستاجروا وحدة بعدين استاجروا ثانية الشهر ب2500 والشغل اي كلام والله تنام المغرب وتقوم 6 الفجر تشتغل والشغل مب ذاك الزود ابد والله ماتسوي شي يسوى اللهم ترتيب وغسل المدخل والحمامات عذا الفجر
والكوي وتسبيع المواعين
الطبخ والغسيل على امي
خلص ايجاره الحين وامي تقول باجدد وانا أقوله حرام والله
تقول الكوي والطبخ قلت الطبخ انا اطبخه بحكم اني ساكنه قريب مرة لأهلي بنفس الحارة
والكوي مغسلة وبس طبعا عندنا غسالة اتوماتيكية وتشاف حراري ومكوى بخار
باسوي جدول لخواتي واخواني ونبهتهم ماحد يجدع شي واي احد ياكل يشيل اللي عقبه والقراطيس للزبالة طبعا اخواني اكبرهم بالثانوي وا2 بالمتوسط يعني مبار لكن اتكاليين بشكل فضيع والاوسط يحب يدخل المطبخ يسوي له فيشار ةالا ساهي ويحوس الدنيا ويشتري من البقالة ياكل نصه ويخلي الباقي ولايشيله
قلت لابوي قل لاخواني مايحوسون وخواتي يقولون نشتغل بس هم لايحوسون
الزبدة من هذا كله ابي طريقة او نظام يخلي البيت نظيف وكيف نقسم الشغل. .


طبعا انا اخذت عهد على نفسي اعود بنتي من الصغر على شغل البيت والترتيب ولاتكون اتكالية
حلو البيت يكون نظيف ومرتب من دون شغالة والام مرتاحة
ادري كلامي مو مرتب لكن هذا ما في قلبي


انتظركم