بسم الله الرحمن الرحيم
السلام عليكم ورحمه الله وبركاته ...
كيفكم حبيباتي .. طبعا مالي بالمقدمات بدخل طوالي بالموضوع ..
الحمدلله انا حياتي مستقره مع زوجي .. واهله .. واهلي
لاكن المشكله هالمرا من نوع ثاني .. شي يظحك وشر البليه ما يضحك :)
عندي زميله عمل علاقتي فيها جدا صطحيه وبنفس مجال العمل عندي صديقات غاليات علي
يوم كان زواجي من اكثر من سنتين .. وانا اوزع البطايق ستحيت ما اعزمها مع انا العلاقه بينا سطحيه
وانا عزمتها وليتني ماعزمتها ؟؟ يبنات مدري وشفكرت حالها .. صديقت عمري اختي لا سمح الله
طبعا هي اكبر مني بخمس سنوات تقريبا ومو متزوجه ؟؟
من اول زواجي وهي تدق علي بستمرار وشكل فضيع .. كنت استحي منها بالاول وجاملها
تدق وتطول بالساعات اقولها طالعه انا وزوجي تقولي اسفه ما ابي اطول عليك بس خلن بقولك وتجر سالفه ثانيه
وياليت عندها سالفه خلون اعطيكم عينات من سوالفها
مرا كنت مع ابو وعمي وخواني جمعه عائليه
دقت يمكن سبع مرات رديت قالت بقولك شي ضروري ومهم ؟؟ وتسمع صوت اهلي
تقول يوه عندك احد لا تدققين بالموضوع قولي بس ايوه ولا ؟؟ انا قلت وشقصت البنت
تقولي تعرفين سعود الدوسري ( مذيع برنامج نقطه تحول ) قلت ايه قالت وياسر القحطاني ( لاعب كره )
طيب مين احلى ؟؟ من جد وجهي علامات استفهام في بنت عمرها 30 تدق وتغث الناس سالفه سخيفه كذا
ولما تدق علي مغير حش بخلق الله ولله تتكلم باعراض بنات اقولها حرام ولله ربي ما يرضا
تقول لا انا مو قصدي بس انا مقهوره على فلانه ليه يقولون فيها كذا وتدخل مع انا البنت مو مستقيمه ومن هالكلام
ولا تسئل عن خصوصياتي انا وزوجي وتبي سوالف قله حيا اقولها ما تستحين انتي تقول لا ابي خبره لا تزوجت
ارد عليها اسئلي امك هي اكثر وحده تثقفك
وكل كلامها اقري على نفسك ولله انتي عندك شغاله ولا لازم ترقين نفسك انتي تسافرين
اقولها احنا بالعصر الحجري من ماعنده شغاله ولا مايسافر بالعكس الي عندها شغاله يقولون عنها قل سنع
والادهى والامر تبي تعرف وين اروح وين اجي
بعيد ذي الحجه الي تو خلص كنت مسافره انا وزوجي دقت علي وانا بالمطار ما رديت عليها ويوم وصلنا قفلت جوالي
وستخدمت شريحه ثانيه رجعت بعد اسبوعين كان الصبح وحنا مو نايمين واول ماوصلت بيتي نمت
وما صحيت الى وجهه المغرب وتدق اكثر من عشر مرات وانا مطنشتها بعدين ارسلت الحمدلله على السلامه
انتي متى وصلتي لاني دقيت عليك لين الساعه وحده جوالك مقفل بعدين نمت ودقت بعد عشر دقايق
رديت لاني معصبه منها عاد تقولي
ولله كل يوم ادق وشوف الجوال مقفل اقول هاذي متى بترد لين امس كل شوي ادق لحد الساعه وحده ومقفل بس
صحيت الضهر رجعت ادق ... قلت لها سلامات يالغاليه احد موضفك متحري لي لا سمح الله تضحك
تقول لا بس وين كنتي كل يوم ادق غندي امل يكون مقفل على شبكه الدوله الي انتي فيها ومن لهجه الي تقول
انه مقفل اعرف وين بس للاسف كلا يرد حق الاتصلات السعوديه
طبعا انا قلت مالي الى اطنشها وربي اكثر من سنه كل عشرين ثلاثين اتصال ارد مره وصرفها على طول
وكلمها وكاني مشغوله ومافي فايده
وكلا اقولها جوالي استقبال ستغفرلله اكذب ابي افتك منها الله يغفر لي بس ومافي فايده
ماهي من النوع الي يفهم التصريف وستحي اقولها لا تدقين ولا من هالكلام ماعندي الجرئه
وصعبه اغير رقمي عشانها
بالله لو في وحده منكم عندها نفس حالتي كيف تتصرف
شورو علي خواتي :)
سالفتي تضحك مو
^جوان^ @goan_15
عضوة فعالة
يلزم عليك تسجيل الدخول أولًا لكتابة تعليق.
مليحه
•
والله صعب كذا مره .. انسحبي بالتدريج بدون تجريح او لاتردين مدام عرفتي ان ماعندها سالفه اذا مره شفتيها قولي بصراحه انا مشغوله وماألتفت للجوال الا للضروره القصوى
الله يعينك يااختي ,,
مافي الا انك تصارحينها وتفهميها انك متزوجه وموفاضيه كل شوي لها ,,,
ان شاء الله تكون ذوق وتفهم ..
مافي الا انك تصارحينها وتفهميها انك متزوجه وموفاضيه كل شوي لها ,,,
ان شاء الله تكون ذوق وتفهم ..
ام بسولة
•
الله يعينك ........... قوليلها زوجي يها وشني على مكالماتي ما اقدر ارد عليك ولا اتصل ... وقوليلها زوجي معقد شوهي صورته لا تكون حاطه عينها عليه
تصدقين انا غيرت رقمي بسبت وحده بس ترسلي مسجاات وتسالني ها شجبتي وشعندج عيال ومتى تحملين !
ومتى تسافرين يووووه تقهر والله غيرت رقمي وارتحت ناس ماتنعطى وجهه
ومتى تسافرين يووووه تقهر والله غيرت رقمي وارتحت ناس ماتنعطى وجهه
الصفحة الأخيرة