السلام عليكم ورحمة الله وبركاته حبيبتي
اول شي لازم تستخيري بهذا الاشي اكتر من مرة حتى يتيسرلك الافضل ان شاء الله
بالنسبة لعملية الايدين انا بعرف ومتأكدة انها بتعلم عالجلد وحتى ممكن يعملولك الجرح داخل الابط بس برضو بكون مبين اذا رفعتي ايديكي
وبالنسبة لشفط الدهون اجمالا بتقلل مناعة الجسم يعني قدرة الجسم بتصير ضعيفة ولا قدر الله بتصيري عرضة لامراض كتيرة لأن الجسم بستخدم هالشحوم المخزنة لإنتاج الطاقة الضرورية لتنشيط الخلايا المناعية وتقويتها ضد الأمراض وتخيلي انو هالشحوم ما راحت بطريقة طبيعية
وبالنسبة انك سمينة بملابس النوم فالرجال عموما بحبو المليانات :tongue1: ولما تشوفي حالك ما فيكي عيبة وتكوني قدام زوجك واثقة من نفسك رح يشوف زوجك نفس النظرة
والاهم ما تطلعي حالك قدامه فيكي عيوب لانو الكمال لله والزوجة برقتها ولزازتها وبالعشرة الحسنة بتغطي كل عيوبها
ومن هون لشهر 6 ان شاء الله ان شاء الله رح تكوني زي ما بدك واحسن ان شاء الله
بنصحك بالرياضة ويكون مترافق بمساج يدوي يعني التدليك لانو كتير مفيد وهلأ كل المراكز عندها مساجات بس اتأكدي انها تكون كتير شطورة
الله يعطيكي الي في بالك حبيبتي

مرحباااااا

والله يااختي اذا تبين رايي انتي ماتحتاجين لاي عمليه كلش ووزنج 75 بالنسبه لطولج فوق الممتاز ليش يااختي تجيبين لنفسج عوار القلب والتعب وانتي بخير وعافيه
اذا كنتي مضايقه من اردافج وبطنج وزنودج مع اني احس مو لهذي الدرجه لان وزنج ماشاءالله فوق الممتاز تقدرين تشتركين بنادي رياضي او السباحه وطبعا مع التخفيف البسيط وخلال شهر او اثنين بالكثير راح ينشد جسمج بس نصيحه لاتلعبين بنفسج قبل العرس بالعمليات
بقولج قصه وحده وذي البنت صديقتي الروح بالروح
اهي سوت عملياااااااااات كثيره قبل لاتتزوج وكل اشوي تقول بسوي هالمره ببطني ومره باردافي ومره بزنودها المهم مرت الايام وجاها نصيبها والله ان زوجها صاير يعايرها بالتشوهات اللي بجسمها ويقولها الحين جذي شكلج واللي يشوفج بعباتج يقول ملكه جماااااااال ومايدرون باللي تحت عباتج والحين قال يبي يتزوج عليها والسبب على قولته الشوارع اللي بجسمها ( يقصد اثار العمليات ) والله يابنات تكلمني وتبجي وقالت لي مره زوجها صار يخونها مع الخدامه والسبب مو طايق يشوفها والحين اهي متحسفه قد شعر راسها بسبب هالعمليات .
طبعا من مصلحه اي دكتور انه يسوي العمليه وخصوصا اذا كانت بعياده خاصه بفلوس وهذا اللي صاير معاج الظاهر ولا ليش ماقالج وزنج زين وتقدرين تشدين جسمج بالرياضه؟؟

فكري يااختي ولاتنسين الاستخاره وشاوري اللي سوا العمليه قبلج ولاتاخذين بالنتائج الايجابيه لانها اكيد بتفرحج بس فكري باسوء شي (بسم الله عليج) عشان تكونين دارسه الموضوع من كل الجوانب والراي الاول والاخير لج.

تحياتي لج وللجميع
نوارة قطر

يابنات على بالكم عملية شفط الدهون سهله
انا زوجة خالي توفت بسبها
وغير كذا لو نجحت وقمتي بالسلامه ومرت الايام ورجعتي سمنتي راح ترجع اسواء من اول
وصعب كثير انها تروح
سوي تمارين وكثفيها وان شاءالله يتعدلون بس لا تحسبين ان الخل راح بيوم وليله يشدلك المنطقه لا المسأله يبيلها تطولين بالك
والنتيجه راح تكونين راضيه عنها

شوفي الارداف ما انصحك لانها بتترهل وما تصير حلوه .... بس البطن ما ادري في ناس يمدحونة وناس لا .... وانتي استخيري والله يكتب الي فيه الخير

الفرفوشه
والله حاولت ورحت صاله جيم وساويت تمارين ل3 اشهر ولا صار شىء معى
والحين هو مو موافق انى اروح لصالات رياضيه نهائى :icon33:
واذا كلمته بهالموضوع رافض نهائى النقاش :09:
قلت امرى لله واسوى رجيم :D


دايم ضايق صدرى
مشكوره ياعمرى والله ضاق صدرى بس الدكتور قايلى ومأكد لى انه ملتزم بكميه محدوده من شفط الدهون الى بيشفطها عشان الجسم ما يتضرر
المشكله والخوف واكثر الغلطات تكون فى دكتور التخدير
الله يرحمها قريبتك



جنى معتصم
رفعتى معنوياتى يالغاليه
والله انى مأخره زواجى لهاسبب وانى حاسه انى سمينه وما راح اعجبه
والحين احس ان امى بتقتلنى اذا اخرته زياده
تسلمين ياعمرى
والله يعطيكى العافيه ان شاء الله


هديه عمرى
شكرا ياحبى والله قلقتونى بعد ما كنت متفائله شوى
ولو تشوف امى هالكلام .................؟



نواره قطر 73
انا بستخير وان شاء الله خير بس انا جربت 3شهور متواصله رياضه ولا حسيت بفرق فى الارداف والزنود يمكن البطن هى الى حسيت فيها بفرق
مشكوره ياعمرى



الهامى
مشكوره حياتى بس انا سألت الدكتور قال ان الدهون ما ترجع للمكان الى شلتيه منه ابدا وانا راح اجرب الخل يمكن بس الى قالقنى ريحته


ام منوو
مشكوره حبيبتى والله يسهلها وراح استخير الصراحه بعد ما أخدت رأيكم اختلفت وجه نظرى 100%


KHWLLA


تسلمين حبيبتى :27:
بس معليش كام سؤال
الزيت انتى للحين مستمره عليه؟
وكم لك؟
هل فى فرق وحسيتى بأختلاف فعلا؟
والشكل فيه اختلاف ومبين انك ناحفه؟
ومشكوره ياعمرى معليش كثرت اسأله :D
بس تدرين قلقانه وودى الحق اسوى شىء :angry:


تحياتى للجميع