راح ابدأ من باجر(بكره)و لمدة شهرين .. من يبدا معاي ؟!

السلام عليكم ورحمة الله وبركاته
بدون مقدمات :)

شعري جاف نوعا ما .... طوله : فوق نص ظهري بشوية ... صابغته من سنة تقريبا
ويتساقط بشكل كبيييييييييييير ( بسبب نفسية الامتحانات انا عارفه ) ومتقصف بس شوووووووية من الاطراف


المهم ... قلت بسوي لي كورس علاج ابتدي فيه من اليوم ان شاء الله واشوف النتيجة


في البداية ... حطيت في بالي اني استخدم زيت باراشوت الازرق ( زيت جوز الهند ) اللي مكتوب عليه ( صالح للاكل )

استخدم هالزيت 4 مرات بالاسبوع لمدة 2-4 ساعات فقط ( لاني سمعت ان وجود الزيت لفترة طويلة و النوم فيه وهو بالشعر .. يسبب تساقط الشعر لانه يمنع الشعر من التنفس )

وقبل ما اتسبح ( استحم :) ) احط شوية مايونيز بشعري لمدة نص ساعه او ساعه تقريبا

بالاضافة الى تناول حبوب زيت السمك seven seas ثلاث مرات باليوم



شرايكم في هالكورس ؟

راح استمر عليه من 25-12-2004م الى تاريخ 25-2-2005م
ان شاء الله وباذنه تعالى يكون في نتيجه ( منو فيكم ودها تشاركني بهالكورس ؟ )

ودي بشي يمنع التساقط ... ويكثف الشعر .... ويطوووووله بسرعه


اتمنى تفيدوني بخبراتكم ....