راح اتقبل حالتي مع زوجي العزيز علي الرغم من ضعفي

السلام عليكم ياحلوين انا اول مره اسجل بالمنتدي
طبعاً سبق وعرضت لكم حالتي وحالة زوجي
والكثير منكم قال شلون زوجي اصبح طريح السرير وشنو نوع اصابته
زوجي تعرض حق شلل كامل بعد الحادث وبسببه صار طريح السرير وعاجز عن رعاية نفسه بشكل كامل مثل ماذكرت بالمواضيع السابقة ان مايقدر يهتم بنفسه ابداً والكثير قال هل زوجك يستطيع الوصول لدورة المياه راح ارد علي السؤال هني لا مايقدر لان الاحساس عنده صفر وانا وضعت له الحفاضات مثل ماقلتوا لي بالموضوع السابق اشكركم علي هذي النصحية وراح اشتري حقه سرير جديد وبغير ديكور الغرف عشان تتغير نفسيته واذا عندكم حلول تساعدني علي تغير نفسيه وعندكم خبرة ياريت تقولونها لي
من ناحية تحميمه هل من الممكن ان يستحم علي السرير لان صعب اخذه لدورة المياه ومن ناحية الصلاة هل يجوز الصلاة وعليه الحفاضات ؟
حبيت اتكلم عن نفسي انا صحيح نفسيتي زفت بسبب حالته مو لاني كرهته ومتقرفه منه بالعكس انا حتي الان احبه بس شي طبيعي نفسيتي تخترب بعد ما اشوف زوجي تعبان وعاجز عن اي شي طبيعي احس بحزن ونفسيتي تتعب لاني مو قادره اتقبل ان زوجي صارله جذي بس خلاص قررت افتح حياة ثانيه مع زوجي واعيش معاه علي وضعه واحاول اخليه يحب وضعه الحالي
ادري صعب وانا حزينه وضعيفه وحيل بس بالقوة والعزيمه راح يتحقق كل شي وانا طرحت لكم مشكلتي لاني ماعمري اهتمت بشخص مريض وحتي الان انا ما اعرف اهتم في صح بس اتمني مع الايام اتعلم اكثر واكثر واخليه سعيد ومنبسط مره ثانية انا مستحيل اخسر زوجي وعايلتي حتي بشد حزني ادري حزن زوجي يفوق حزني ملايين المرات وبسبب حزنه راح اتخطى احزاني وراح اظل معاه بس احتاج قوة و صبر
وشفت كثير من الرسايل خاص
سامحوني لاني ماقدر ارد عليكم خاص عشان توني يديده بالمنتدي والمشاركات ماوصلت ٥٠ للحين
الي حاب يتواصل معاي يقدر يدزلي اسم انستقرامه او التويتر ماله خاص