ميلاد ريومه :

اهنيك على قرارك والله ماخسرتي شي الا الهم والحسد والمراقبه وتقييد حريتك وحرية زوجك شوفي انا موظفه وعندب طفل ثلاث سنوات والحمدلله وتركتها من سنه وجبت كوايه كبس وغسالة صحون وغسالة اتوماتيك من اول عندي ماقولك ماتعب الا اتعب وخاصه بالتوفيق بين عملي وطفلي وبيتي. وزوجي لكن البال مررررررتاح من شهربن طحت بطريقه هي مكلفه بس مريحه انا اكثر شي يهمني التنظيف العميييق ماقصد اليومي لااقصد العميق اللي يقلب البيت فوق تحت جدران شبابيك تعقيم فصرت اجيب شغاله بالساعه كل 3 اسابيع تلمع لي كل شي وتروح يبقى قدامي التنظيف اليومي والمحافظه على النظافه جربت تقنيات ساعدتني وهي تفريز الكشنه ماتتصورين وش كثر ريحتني واختصرت وقت الطبخ وتعبه للنصصصص كمان اني اغطي مخدات الكنب اللي يستعمل بمفارش واشيلها لاجاني احد واغسلها كل اسبوع تحفظلي الكتب من البقع والكنبات حقة غرفة الضيوف اغطيها كلها بشراشف ونفس الطريقه العاب ولدي اشيك عليها كل فتره ارمي المكسر منها لانها هي اللي تحوس وكذلك وصية الرسول صلى الله عليه وسلم لفاطمه رضي الله عنها بخصوص الخادم وشوفيني وانا اختك اللحين على وجه ولاده الحمدلله ماشاء الله ولاحول ولاقوة الابالله ولاقدمت من كثر راحة البال الحمدلله مابي اضحي فيها تخيلي السنه هذي اول سنه احس فعلا بطعم رمضان وجلست ابكي اخر يوم لاني حسبت بلذته وتعبه مع اني من اول كل الطبخ علي سواء بوجود الخادمه او لا حتى القهوه علي هي عليها التقطيع وبسسسس وولدي ماتقربه ابداااااا ولاتشقى فيه باي شي يخصه ومع هذا كانت مقاسمتني احساسي ببيتي والحمدلله بدونها حسيت فعلا بدور الزوجه والام واهميتها لكن لظروف التفاس ناويه غصب عني استجر خدامه بس نفاسي ولاطلعت اربعين رجعتها ورجعت لنظامي اكيد جا فبالك وين احط عيالي لارحت للداوم عيالي عن جدانهم نصيحه لك لاتجيبين لك عدوه من حر مالك تشاركك بيتك وتخرب طباع عيالك دام تقولين بنتك كسوله واغلب اللي عندهم عيالهم كذا اصبري واشتري راحة بيتك وزوجك ولايغرك كلام اللي قلوبهم بارده وتحبط من عزيمتك تقولك ماتقدرين راح تتعبين ولاادا رحتي عند احد عنده شغاله ورجعتي للكرف جاك احباط ههههه انتبهي الطريق مو سهل من اللحين اقولك لكن المقابل اللي يجيك يستحق واللي تقولك ليه ماعندك شغاله قولي عمرك شفتك مملكه لها ملكين انا ملكة بيتي وفعلا هذا راح يكون شعورك بدونها سهل اريح رجلي واجيب وحده تخدمني وتخدم بيتي وعيالي بس وش استفيد اذا فلوسي عندها وحاسدتني على لقمتي ولبسي وعينها علي بكل خطوه وكل شوي موال جديد وقصه جديده ياشيخه ريحي راسك الموضوع صعب فعلا لكن مو مستحيل والمقابل مغري جدا لكن اهم نصيحه لاياخذك الشغل وتنسين الاهتمام بنفسك والتجمل لزوجك لاطبختي وكنتي مستعجله ماعندك وقت للتروش وهو يبي يجي غطي شعرك بشيله ولاايشارب عشان ماتلصق ريحة الطبخ فيه وشطفي جسمك سريع وغيري ملابسك وتعطري اخيرا اختي ارجو منك ومن كل من استفادت من كلامي تدعيلي بالولاده الطبيعيه الهينه اللينه وطفل جميل معافي وبالجنه لي ولوالدي

اهنيك على قرارك والله ماخسرتي شي الا الهم والحسد والمراقبه وتقييد حريتك وحرية زوجك شوفي انا موظفه...