الله يسلمك يا مهاجره ويخليك للي يحبونك
تر انا ما اعرف هاي السوالف وايد بس بقولج من اللي اسمعه من الناس ومن اللي شفته واسمحيلي اذا قصرت معاج
وعن سؤالج عن الأجار فهو يختلف سعره على حسب الموقع فإذا تبين عند البحيره فهو غالي واسعاره نار اما في داخل المدينه اسعاره مقبوله ,اما الاسعار فما اعرف بالضبط , التعليم بدأو من كم سنه ما يقبلون الوافدين في المدارس الحكوميه بس عادي في المدارس الخاصه, والمدارس الزينه غاليه حبتين ههههه بس كل ما دفعت اكثر كان التعليم افضل .عيال العيله عدنا في مدرسه اسمها الزهور بس الكل يمدحها من اخلاق وتعليم , والمعيشه عموما ترى ما شي احلى من الشارقه المتاحفوالحدايق في كل مكان خخخخخخخخ , وشو بعد ..... وهي مب غاليه وايد .. اما عن المشاريع فما اعرف ..وعن الاثاث والملابس ترا شي عدنا محلات كثيره اذكر ان امي واخوي مره راحوا محل اثاث بس مايعرض الاثاث يكون داخل مخرن تروحين وتتفرجين . عندهم اشياء فخمه وباسعار مقبوله والملابس في محلات تبيعه غاليه وماركه ,بس تلاقين نفسها في مكان في عجمان يسمونه المصانع ورررخيصه . انشالله ترتاحين هناك لان هناك وايد وافدين ومن كل الجنسيات
اسمحيلي اذا طولت عليج او قصرت في شي , لاني مخي في اجازه لين نرجع الامارات هههههههههههه كل من امريكا ام المصايب,:26: :26: وهذي من اهل الشارقه لاحلى مهاجره

حياك الله اختي في بلدك الثاني الشارقه

الحمد الله كل شي موجود والاسعار معقوله او بالأحرى في الغالي وفي الرخيص واحياناً تلاقينهم بنفس الجوده

المواد الغذائيه رخيصه

الشقق مثل ما خبروك الاخوات على حسب المكان لكن في شارع الامارات في منطقة بومليحه منطقه جديده

ورخيصه تقريباً ارخص منطقه وكل شي متوفر فيها

وطبعاً بتحتاجين كثير من الامور خاصة اول الايام

وانا هنا اختك اطلبي وتدللي على الخاص او العام

ويا مرحبا فيك في الشارقه

وعجمان بعد ارخص وقريبه منها

المدارس الخاصه كثيره واذا زوجك يشتغل في دائره حكوميه ممكن تدخلين عيالك حكومي

اما من ناحية تربية الاولاد ابد لا تخافين الشارقه فيها توعيه دينيه فيها تحفيظ القرآن والمراكز الاسلاميه

السلام عليكم ورحمة الله
والله ما دري وش اقولكم ماقصرتوا والله يجزاكم الخير
الغالية عائشة الله يبارك يعمرك وتقبلي هاذي:26:
الحبيبة نسيم الامل بارك الله فيك على تعبك معاي والله يجزاك الجنة وانا عارفة اني راح انبسط اهنيك يكفي الناس الطيبة امثالكم :26:
العزيزة ام عزان الله يحييك ويبارك بعمرك ويخليلك عزان يارب ويجزاك الجنة:26: