راح الوحم بنسبة80%والله على ما اقول شهيد....

بداية-السلام عليكم ورحمة الله وبركاته طبعا انا حامل للمرة الثانية حملي الاول كان حلو والحمدللله
بس حملي الثاني هذا جنني جنني جاتني 3اسابيع شفت فيها الموت اللهم لك الحمد 24ساعة وانا حاسة نفسي بارجع لدرجة احس طعم بفمي على طول كرهت زوجي المسكين وريحته وشكله وبس يدخل البيت يجيني شي غريب لدرجة اول مايدخل على طول على الحمام . بنتي كرهت رائحتها وتصرفاتها واحسها بس قاعده لي مع ان عمرها3 سنين ياحرام مااقدر اسوي شي في البيت 24 ساعة مسدوحة ولو ماني مسدوحة نايمة كرهت البيت والخرجات مافي شي يشيل اللوعة اعطتني دكتورتي اقوى حبوب للغثيان كنت اخذها3مرات بس دون فائدة اشرب زنجبيل على طول لكن مفعوله وقتي بمجرد اخلص الكوب ترجع الحالة كرهت رائحة الصوابين ومعاجين الاسنان والكريمات والشامبوات ومنظفات البيت
كرهت الماء بدرجة غريبة نفسي اشرب بس مااقدر وترى انا بالاسبوع السادس لان الشريط عندي خطا


اللهم لك الحمد والشكر شافتني اخت زوجي الله يجزيها بالجنة ولايغير علينا وانا اسميها اختي الكبيرة((قولوا ماشالله)) وحكت وحدة من صاحباتها اللي لهم خبرة بالاعشاب والعلاجات الشعبية وحكتها على وحمها وانها استخدمت حاجة خلتها من ثاني يوم تقوم تطبخ ولا كان شي فيها فقالت لي اخت زوجي بتدور لي هذا الشي وبتجيبه وتصلحة واسبوع وهي ماخلت مكان تدوره الين جابه لها الجزار وجابته لي وهو جاهز وتناولته مع اني ماكنت موقنة انه له فايده بس قلت باجرب كل شي واكلته ثاني يوم عادي بصراحة ماشفت تغيير بس قسم بالله من امس من لمن صحيت من النوم حسيت انه في شي غريب الغثيان انقطع اللوعة اللي اربع وعشرين ساعة ماهي فيه سميت بالرحمن وقمت اختبر نفسي بخيت من جف البخاخ الا والله فيه ريحة كريهة بس مو اللي تخليني استفرغ حسيت مع زوجي حسيت اني قابلته احسن من اول وسولفنا وضحكنا بس ريحة الدخان:09: ماقدرت عليها لانها تمسك في ملابسة وغصب عني ارجع
لاتقووووووووووووووووووووووووووولللللللللللللللللللللللللللللوووووووووووووووووووووووو نفسي لان اللي ايده في النار مو زي اللي يده في الموية

طولت عليكم صح:icon28: بس العلاج هو:.
اثنى عشر الخروف((واخت زوجي جابت الامعا الغليظة والدقيقة ))وهي صالحة للاكل ونظفتها ولمعتها وتلفيها على قطعة شحم طويلة برضو نظيفة وتشويها على الفحم لحد ماتصير مقرمشة وتاكلينها واشربي معاها عصير عشان يشيل الطعم

وبالله اللي تجربها تحط النتيجة لنستفيد كلنا وانا الحمد لله استفدت فحبيت افيدكم معي واسفه للاطالة بس حبيت اوضح لكم الوضع كامل