اليوم عملت راس ملاي .. وإلي تعرفه ... تعرف إنه حوووسة في خطله ... يلصق بالملعقة والصحن وبعضنا يخسر جزء من كمية الخلطة في تلصقها بالأواني.. والبعض يخلط باليد وحووووسة
فخطرت في بالي حركة ووااااو فضيعة>> لا تقولون قديمة تراني حـــــــــــدي فرحانة بها
طبعا المقادير
لتر حليب >>>> 4 كاسات حليب
شوي هيل
شوي ماي ورد
نص كوب سكر
نتركه عالنار يغلي بعدين نخفف عليه
مقادير عجينة الراس ملاي
كوب حليب بودر
ملعقة حلى بكنج بودر
بيضة .. لو تكون متوسطة احسن
نجي للطريقة الإبتكارية
إخذي مقادير العجينة وحطيها بالكيس إلي يتقفل من فوق
طلعي الهواء من الكيس وقفليه
بعدين إليعبي بالخطلة لعب من قلب وبتلقينها تخلطت وتماسكت
لاحظي حتى الكيس مو متسخ كثير مثل لما نخلطه بالإناء
وهنا بعد ما طلعته من الكيس
ونعملهم كور
الكرات نحطها بالحليب السائل وهو على نار هادئة وراح ينتفخون ويتقلبون لحالهم إلا البعض نقلبهم بنفسنا
وبعد ما نحسهم إنتفخو نقفل النار ونتركه يصير دافئ بعدين نحطه شوي شوي في صحن التقديم.
وهذي الطبق جاهز تفضلو بالعافية على قلوبكم الغالية
