فكرتي تسوين تحليل اجسام المضادة لانها احيانا تمنع الحمل واحيانا تسبب اجهاض

كلامك موجع يلامس اعماق جرح القلب 
في كل لحظه تمر علي من اربع سنوات قلبي يوجعني أتمنى ضمة طفل اعشق الأطفال وريحتهم عمري تعدى الثلاثين وكل سنه تقل فرصي بالحمل جربت الحقن المجهري وربي ماكتب وماحملت 
بكيت بحرقه حتى زوجي مااعطيته فرصته يحزن يادوب كان يهديني وقتها ويسوي نفسه عادي وان الوقت لسى قدامنا لكن بعدها بدأ الحزن يطلع صار اغلب وقته ساكت بعد ماكان طول وقته مزح وضحك حسيت كأنه يحملني مسؤولية الفشل
لا اراديا حتى لو ماقال ولاتكلم 
أنا الحمد لله عندي عملي وعندي دراستي ووقتي مو فاضي بس ماافكر الا بالموضوع ذا وهو اللي اخذ كل تفكيري 
تصدقي انا زيك عندي ملابس مواليد كل فترة افتحها اتخيل نفسي حامل واستنى طفلي وابكي ابكي وبعدها ارتاح 
أكثر شيء يحرق قلبي زوجي يعشق الاطفال بشكل جنوني يموت فيهم لما اخته ولدت طول الوقت عندهم فرحااان بالنونو واشوف الحزن بعيونه يتمنى يكون عنده ضنا 
سامحوني ماعندي الاعالم حواء افضفض فيه مااحد حولي حاس بمعاناتي ولا اوضح لاي احد المي وحزني الا هنا اخذ راحتي واكتب لاني اعرف كل اللي هنا نفس المشاعر والاحاسيس يمرون فيها 
يارب ياكريم مايأست منك ولا راح أيأس يارب أعلم انك راح ترزقني وتكرمني يارب ارزقني بالحمل الطبيعي السليم المعافى بدون عمليات وتعب واكتب لي ذرية صالحه يااارب انا وبنات حواء كلللهم يارب 

الله يرزقك الذريه الصالحه يااااارب

زين الحمدلله انكم سليمين
اذا انتي سويتي كل التحاليل (هرمونات , متابعة تبويض ,اجسام مضاده ,واشعة صبغه ) وكلها سليمه
وزوجك عمل كل التحاليل والافضل يروح لطبيب ذكوره ومسالك
روحي ممرخه ولاتغفلون عن الجانب الروحي من رقيه ودعاء وصدقه واستغفار
الله يرزقنا جميعا بحوله وقوته ولايحوجنا لا لاطباء ولاعمليات

يارب يارب يفرح قلبك ويرزقك الحمل السليم المعافى ويرزقني وكل محرومة انه قادر على ذلك 
يارب يارب لاتحرمنا وعجل بالفرج ياااكريييم