بس لا يصير نصف ذبيحة قليلة على الرجال
يعني فكري بعددهم كم يعني يكفيهم اللعشاء خخخخخخ زدت همك
والسلطات احس انة حر للازم اتحطيهم في الثلاجة عشان مايتغير الطعم

للرفع وكمان حبيت انبه لحاجه لما تقطعين السلطه قبل العزيمه بيوم ماتخلطين الطماط معها حتى ماتذبل
واكثري من ذكر الله والاستغفار والله معك والله يبيض وجهك قدام ضيوفك
ولاتنسين تخبرينا بعد العزيمه بالنتائج...

حبيبتى عليكم باعافيه
قبل العزومه سوى الحلا وجهزى اغراضج القلاصات والصوانى والملاعق والفوط وكل شى وسوى الورق العنب والملفوف وطبخيه ثانى يوم الصبح لى هو يوم العزومه سوى السلطات العصر بس لاتحطين عليها الليمون والملح الا وقت التقديم الجريش تقدرين تسوينه الصبح بس خليه خفيف شوى لانه راح يصير ثقيل
اعملى للبن والعاصير العصر وحطيهم باثلاجه نظفى الخضار وحطيهم فى السله
يبقى عندج طبخ الذبيحه

قضت عزيمتك ولا توها !؟

شوفي ياقمر .. أنتي يوم العزيمه منتيب فاضيه تطبخين وتقطعين .. يبي لك ترتبين البيت ترتيب أخير وبتستعدين للضيوف أنتي وعيالك
أقصد من لبس وإستعداد وهالأشياء

قبل بثلاث أيام سوي حلا العشـاء وغلفيه وخليه بالثلاجه وإنسيه .. قسمن بالله إكتشفت إن الحلا كل ماطول في الثلاجه كا ماصار ألذ والطعم متجانس ..
سوي تشيز كيك وتيراميسو مثلن .. وكيكة الأيسكريم < لذيذه جدن وسهله

ورق العنب والكبه والملفوف وكبيبة حايل .. كلها ممكن تلفينها وتطبخينها وتصفينها في الصينيه وتغلفينها كويس وتقعد في الثلاجه إلى إسبوعين مارح يتأثر طعمها أبدن (بإستثناء الكبه طبعن لازم تقلينها بنفس اليوم!)

السلطات .. سوي السلطات اللي سهله وسريعه ومافيها مقالي وأشياء مسلوقه .. سويها الظهر وحطيها في الثلاجه
مثلن البقوليات !
مثلن الجرجير
الخس والذره
والصوص سويه قبل بيوم وحطيه في علبه وقبل ماتقولين إتفضلو حياكم على العشاء روحي صبيه على السلطات

حلا القهوه .. الليله اللي قبل .. سويه وقطعيه وصفيه وإنسيه بالثلاجه .. ترى جتى لو تسوين كنافه ولا بسبوسه مايضرها لو قعدت بالثلاجه ليله ..

مواعينك وكيسانك وأغراض التقديم .. ولميها قبل بيوم .. وطاولة البوفيه والمفرش حقها والطاولات بعد قبل بيوم

المغاسل والعلوك والأشياء اللي تنحط على المغسله .. قبل بيومين ممكن تسوينها وإذا عندك بزران وتخافين يدخلون ويخربونها .. ممكن ترفعين السلات في الدولاب اللي عند المغسله وطلعيه صباح العزيمه

بالتوفيق يارب

الله يقويك