شخبار الصبايا والحريم كلاً بسمه
طبعا الموضوع اليوم /// قلبت ابله الموهم المقالب بما اني انسانه احب اسوي مقالب بخلق الله فحبيت تسدوحون في ذا مقالبكم او احد سواء فيكم مقلب وانحرق دمك ساعتها لكن بعدين ضحكتي :) الغرض من ذا الموضوع تبادل الخبرات واطلاق الضحكات والفرفشة وانا بسدح اول مقالب ......
يوم كنت في ثاني متوسط كانت عندي زميلة في الصف اول ماندخل تفصخ جزمتها عزكم الله المهم افصختها ذاك اليوم عند غرفة المعلمات وكنت معها طبعا خرجت قبلها واخذت فرده وخليت الثانيه وادسها ودخلت الفصل كانت عندنا ابلة الرياضيات وهي دخلت متخره تقولها الابلة لييه متأخره وجهها صار كذا
ماهي عارفة تتكلم تقول وهي تتلعثم جزمتي ضاعت والابله تقول ايش تقول والله جزمتي ضاعت حتى شوفي جايبه الفرده الثانيه ههههههه البنات يطالعوا في بعض وضحك قالت لها الابلة ادخلي ادخلي الله يهديك دخلت وهي محتاره كيف ضاعت انا اجلس قدامها اسمعها تقول اموت واعرف من اخذها ياويلي كيف اطلع من المدرسه واللي بجنبها تقولها خوذي زنوبه من الخاله طالعة فيها
خبلة انتي وسكتوا وهي يا عمري تفكر كيف تطلع من المدرسه الحصة اللي بعدها عندنا بنت كلية دخلت وهاذي البنت مسويه استنفار في الفصل تدور جزمتها جالسنا وبدأت تشرح قومت زميلتي على السبوره تقولها قومي تقولها ما أقدر تقول ليه ما تقدرين متحنية قالت وهي معصبه لا بس ما عندي جزمه قالت لها بنت الكليه نعم تقول لها وربي ماعندي شوفي وتطلع رجولها والفصل فاطس ضحك سكت بنت الكليه وزميلتي حدها واصلة تقول لو القاها اموتها وانا موقادره من الضحك اسكت لدرجه بنت الكليه طردتني من الحصة خلصت الحصة وكملنا الباقي قبل نهاية الدوام بعشر دقايق طلعت الابلة اللي علينا قمت قلت للبنات بصوت عالي يسعدني ويشرفني اني انا اللي اخذت جزمت فلانه والجايات احلى ماتوا البنات ضحك وهي بتضربني وتقول اردها وتشوفين يا حماره والى الان وهي تتحلف ترد المقلب الان هي اغلى صديقاتي فديتها يارب:) وش رأيكم باالمقلب حلو .هالله هالله بمقالب الحلوه وان شفت ردود بسدح المقلب الثانية هههه راعية طويله الاخت
**دلع بنات**