راعيه دلع والا دلال ترا فيه فرق ...والفرق واضح نياهاهاها هلمووو ياحسناوات

بنات على طاري سمر الدلوعه نمت وصحيت وانا افكر بالدلع

ههههههههههههههه

قلت بقولكم بعض خلجات نفسي

فيه بنات دلوعات بس مو مدللات يعني تتدلع بشكلها وحركات ومياعه:35: بس لاجيتي للجد مكروفه ماتدلل نفسها مثل ابقار الدنمارك هههههههههه
عفوا اقصد
تستخسر على نفسها
او تتعيجز تسوي لنفسها مثلا سونا او جاكوزي او بديكير او مساج او ..........

وفي بنات مدللات بس مو مدلعات يعني تدخلين غرفتها تلاقين ولاشي ناقصها

تدفع فلوس عشان تتدلل مره سونا مره مساج مره استرخاء والقائمه تطول
:27:
بس تشوفينها جامده ماتتدلع لاوقفت ولا جلست ولاتكلمت مره جماد

انتو من اي نوع ؟؟؟


الشي الثاني

انا اتكلم من تجربه انا من طبعي مااقول دلع ولا اقول دفاشة بس اتحرك بهدوء :hahaha:واتعامل مع الاشياء بهدوء ونعومه:024:

بس صارو يقولون لي خلك حيه وحركه الحي يحييك وصرت لما ابي اخذ شي في الارض احاول القطه باسرع ماعندي ويطير بعيد هههههههههه كني بانقض على فريسه

خربطوا موازييني :

صرت امسك الاشياء تتكسر من العجله هههههههههههههه عشان مايقولون عني رفله :04:

الشي الثاني من صفحات ايامي بالتقط لكم كم صورة ....


الصورة الاولى :
اعرف خوات وحده جسمها يجنن ماشالله روووعه وطول واختها متينه مافيها اي ملامح قطعه وحده :44:

الطويله جامده وماتتدلع واحس مره نزل من شكلها شوي

المتينه عليها حركات دلع اطفال قسم ماتشبعين منها ماشاءالله عليهم تهبل وانا مره سالوني ناس عنهم مدحتلهم المتينه من وجه نظري احسها انوووثه رغم جسمها


الصورة الثانيه:

اعرف وحده الله يسعدها دلوووووعه مره بس ترمش وتتكلم كلمات اطفال وتتمغط كثير
بس لاتدلعت ودي ارجع تكرمون واجطل ولا اسوي نفسي معها مره ملاغه وهي تقول شفتي وش سويت تبي تعليق وانا حايمه تسبدي :hahaha:
مدري ليه


الصورة الثالثة"
اعرف وحده كلامها دلوع بس فيها دفاشه تضرب وتقرص وهي تسولف وتعصب بس مع كلامها مش حتقدر تغمض عينيك ماشالله طااالع روووعه التناقض فيها


الصورة الرابعه:
اعرف وحده تقول للقمر وخر مكاني >>>>حرفت المثل:hahaha:
بس كل ماجا احد بيتقدم لها قال ماتصلح لانها رسميه وشخصيه قويه وماتتدلع تحسه مرض وهذا نقص من جاذبيتها وخلا اللي اقل منها يتفوق عليها

الصورة الخامسه:

وحده ماشاء الله حليوه ومافيها اي دلع مبالغ بس عفويه وفرفوشه هذه ماودي افارق قعدتها :icon28::2thmup:

يالله بنات اي صورة من اللي ذكرت اقرب لشخصيتك



وفي شي ثاني لاحظت ان من عوامل هدم الدلع في الفتيات التحريش

يعني يصيرون يحرشون االاهل على البنت لاشافوها دلوعه او يحرشون الزوج على زوجته لاحظتها كثرررر
صرنا مجتمع يكسر مجاديفه


الشي الاخير ترا انا بنت ادعولي كبرت ولاتزوجت الحمدالله على كل حال