رافض يطلقني .. ويهجرني ويخوني

السلام عليكم

بدخل في الموضوع على طول ... ابيكم تساعدوني وتنصحوني وتشوروا علي
زوجي كان متزوج قبل لا يتزوجني .. وجلس مع زوجته سنتين وما جابت عيال بس مو هذا سبب طلاقها لااااااا كان في مشاكل بينهم من اول زواجه لانه اخوه الكبير راح خطبها له وكلم اهلها وهو ما عاد قدر يفشل اخوه ويكسر كلمته وكمان تصير قريبة زوجة اخوه ... المهم سبب الطلاق انها صارت تكلم رفيقه على التلفون وهو ما اكتشف الموضوع الا بعد ما زوجة رفيقه قلت له انه زوجتك في بينها وبين زوجي علاقة وانها راقبت تلفون زوجها وتاكدت .. هو يقول اني ما تسرعت وصدقت الحرمة على طول وانه هو جلس يراقب زوجته ومكالماتها وتاكد بنفسه من خيانتها ..وعشلن ما تصير فضيحة كبيرة هو واجهها وهي ما انكرت وقالت هذا بسبب مشاكلك معي ورفيقك كان يفهمني ويخفف عنى :ohmy: المهم هو على طوووول طلقها ... بس هي واهلها بسررررعة راحوا تكلموا بين الاهل انها هي اللي ما تبغاه لانه (عااااااجز ) وعشان كدة ما جابت عيال :ohmy::ohmy:
نجي لقصتي المؤلمة
هو طبعا من الاهل وكان يبغاني من انا صغيرة ( فرق العمر اكثر من 17 سنة ) .. وتقدموا يخطبوني من اول بس كنت صغيرة في الابتدائي ..عشان كدة اخوه عااااند وراح خطبله قريبة زوجته .. عاد اول ما طلق جاء يركض هو واهله واعتذروا وشرحوا قصة الزواج والطلاق وبصراحة انا كمان كان يعجبني واحبه لانه مهتم فيني مررررررة من يوم اني صغيرة ووافقت ... والحمد لله جبت اول عيالي بعد 9 شهور من الزواج (((هههههههه ما صدقت اتزوج ))) وهو كاااان طااااااير فيني لانه غير انه يحبني فهذا بين للناس انه طليقته تكلمت كذب عليه يوم قالت (عااااجز) وانكشفت على حقيقتها .... والحمد لله من يوم تزوجني وهو يحترمني ويحبني وعمره ما جاب طاري طليقته ولا خير ولا شر
ومرت السنين ونحنا في احسن حال الا من بعض المشاكل اللي تصير في اي بيت عادي وصار متزوجين لنا 15 سنة وصار عندي 5 عيال ( ما شاء الله الحمد لله )
طييييييييب ايش صار ؟؟؟؟؟؟؟؟؟؟؟؟؟
قبل5 شهور صار زوجي يحمل جواله حتى لو رايح الحمام لالالالالا كمان حاط باسورد ويسهر على الواتس الين الفجر ؟؟؟؟؟؟ وبعد يرجع من الدوام كان اول يرتاح شوي صار وقت راحته ع الجوااااااال حتي عيالي يسالوه ليش ما تلعب معنا وتسولف زي اول وتطلعنا ؟؟؟؟؟؟ :3_10_6:
لاحظت هذا التغيير وبعد اسبوعين بس سألته ايش صاير ( لانه ماهي بعوايده ) يقول بس في قروب للشباب ع الواتس :pinklove: وصار يقولي تعالي شوفي:upsidedow الا كلامهم كلو عادي ووناسة محترمة
بس ما ارتحت (ليش يتغير كذا طيب ؟؟؟؟ وصرت اطالع من بعيد كل ما مسك جواله الين عرفت كلمة السر
وهذا كان بعد شهر واحد بس
كان نايم واخدت الجوال وشفت بعيووووني كان له شهر كامل يراسل مييييييين ؟؟؟؟
تصدقووووووون كان يراسل طليقته
وكان كل كلامهم حب وانه مشتاق لها وانه ما قدر ينساها وما قادر يعيش من غيرها وهي كمان تقول يا احن رجال عرفته في حياتي وما تقول غير يا حبيبي يا روحي وانها تحبه اكتر من زوجها الحالي ( تزوجت بعده وتطلقت بنفس السبب .. تعرف رفيق زوجها الثاني وتكلمه ع التلفون ... وتزوجت المرة 3 ومعاها بنتين وتعرف الحين زوجي ع التلفون ) وبعد يقولها ادخلي اسكايبي عشان اشوفك واسمعك وهي تقول معاه الفاظ جريئة شوي (زي انها تشتهيه وتشتهي العلاقة معاه ) وهي اللى تقول زماااااااااااان ما يقددددددر ... والله يا بنات بموووووووووووووووووووت من القهرررررررررر وعلى طول واجهته وبكيييييييت وكنت راح انجن هداك اليوم واخدت رقمها واتصلت عليها وشتمتها وسبيتها وقلت لها انتي من قبل 15 سنة كان عندك وحلالك ورحتي تدورين غيره والحين جاية بالحرام تدوري عنه وسمعتها كلام مررررررة شديد وقلت لها بعلم زوجك عنك ولا قدرت ترد عليا ... المهم هو صار يعتذز ويقول انها هي حصلت رقمه بعد كل هذي السنين من زوجة اخوه (قريبتها) وبدات تتصل عليه وهو باول شئ انحرج منها لانها في اول اتصال صارت تبكي وتقول انها متصلة عشان تعتذر يوم قالت عاجز وتكلمت عليه وتبيه يسامحها ... طيب ليش بعد كدة صرت تتكلم معاها دااااايم يقول كنت بشوف آخرتها ايش تبي واني كنت اتسلي وانه ما في قلبه شئ وكان يسايرها في كلامها وانه لو ما عاد في حريم هو ما راح يتزوجها لانها متزوجة وحتى لو تطلقت لانه ما يرضى يتزوج وحدة خااااااينة :ohmy::ohmy::ohmy::ohmy::ohmy::ohmy::ohmy::ohmy:
انا فضحته علمت اخوه الكبير بالقصة وطلبت الطلاق ... وهو اتصل على اهلي واعتذر وقال ما راح اطلللق وانه يحبني وووووو بس ما اصدق بعد شفت بعيوني كلامه معها ...المهم هو واخوه ترجوني اسامحه عشان عيالي وانها غلطة ما تتكرر ... ومن يومها حذف تطبيق الواتساب من جواله وما عاد فيه رقم سري (من 4 شهور ) .وللاسف حذف المحادثة وما كنت سويت منها نسخة ( وللا كنت ارسلتها حق زوجها ) .. بس ما صرت اطيق اشوف وجهه اكرررررررهه وما صار فيه علاقة زوجية ( هو ما يجيني ) يمكن لو طلبني ارضى بس ما عاد يلمسني ابد ( ما ادري ليش ؟؟؟ وما راح اسأله ولا اطلب حقي الشرعي ),,, المهم انا ما قااااااااادرة انسى ابدا وما اكلمه الا لو شئ مهم ومتوترة ومصرة ع الطلاق الى الحين وهو راااااااافض .... محتارة اجلس عشان عيالي ؟؟؟ بس فيني عزة نفس ما اقدر ؟؟؟؟ اخليني على موقفي الين يطلقني واصير مطلقة وهي جااااالسة عند زوجها وعيالها وكان ما صار شئ ؟؟؟؟؟؟؟
ما اقدر ارجع طبيعية وهو كمان عنيد ولا عاد يهتم وخلاص شايفني جالسة مع عيالي وقايمة بواجب البيت ... كاني خدامة اغسل واطبخ وانظف واذاكر لعيالي وخلاص ما عاد عندي زوج ...

اول شئ ادعولى ربي يفرج همي وينصرني على من ظلمني ...اللهم ارني فيها باسك اللهم اشغلها في نفسها وانتقم لي انت المنتقم الجبار
بنات ارجوكم لا تقولون لي اهتمي في نفسك والبسي واكشخي لاني انا هذا طبعي وكمان شكلي حلو الحمد لله ولسة عمري بالثلاثين وهو تجاوز الخمسين وطليقته خمسة واربعين ....
انصحوووووووني ضايقة فيني وماني عارفة ايش اسوووووووي