رافع خشمه علي

سلام عليكن
ان شاءالله كلكن طيبات الله يجزاكن خير الي قايمات على المنتدى الله يعين على رجالنا هالنكديين مشكلتنا انا وياه لازم كل شهر او شهرين هوشه
مندبله سبدي لنا يومين وهو زعلان والبارح جاتنا امه ويقول هالون يمه دوري لي مره هو بس يبغا يجنني
وامه قالت المره تبغا فلوس وفلانه وش ناقصها مانقصها لون
.
زعلان عشان رديت عليه رد قوي كنت بقهوي بنت عمي باقيلها ثلاثة ايام وتروبع وماعندنا محل حلا قريب المحلات بعيده سبعين كيلو
ومكلفه اخوي يروح يجيبلي حلا ب150 بقهويها
وبنت عمي ماهي بعيده عن بيتنا اصلها على رجلي
وولمت قهوتي وحلاي ورحت اصلي العصر وهو يجي وياخذها هو وخوه وراحو البعارين
وقفل جواله ويوم شبعو وهو يفك جواله قلت انت اخذ القهوه قال ايه اجل مانتي مسويتها لنا قلت لا ان شاءالله سم ببطنك والله العظيم قلت كذا انقهرت والحصيل لاقهويت الحرمه وهذا رافع خشمه وزعلان عشان قلت سم ببطنك انقهرت لا تقولون غلطانه اعرف ان يلحقني غلط بهالكلمه بس
ليش يمد يده على شين ماهو بله حتى غدا غرفتله قبل قليل قال حطي لي لحالي مايبغا ياكل معي ولا مع عياله قلت كيفك
منهو الغلطان إذا هو تعذر على تعديه و اخذته للقهوه انا عقبها اعتذر على كلمتي لأن اول مابدا هو يعتذر وانا اعتذر