السلام عليكم ورحمة الله وبركاته
حيباتي........بنات حواء
اتفقنا مره اناومجموعه انا نحط في بيوتنا كاميرا وننساها ونمارس حياتنا طبيعي,وبعد فتره قررنا نشوفها كل وحده تشوف نفسها لحالها,تتوقعون وش النتيجه؟
كانت صدمه .....
اول حاجه اقول لكم يعني ايش مراقبه "مراقبة الله "مراقبة النفس"مراقبة تعاملنا مع الناس"اقصد مراقبة الله في العباده والطاعه"ان تعبدالله كانك تراه ,فان لم تكن تراه فانه يراك"
وهذا اللي كنا نبي نوصل له!والله اني انصدمت من نفسي شفت كيف اصلي وخجلت من نفسي تذكرت ان ربي يشوفني ويشوف صلاتي وش اقرا,كيف اسجد ,,,وتخيلت الملائكه تكتب لم تقبل صلاتها!!
بكيت كثير ..وتاثرت وصرت كل مااصلي اتذكر الكاميرا واتذكر الرقيب سبحانه,تقول صاحبتي شافت نفسها كيف تقرا القران وحست نفسها تقرا قصه ,لاتامل ولاتدبر ,بدون مشاعر ..قال السفيان الثوري "عليك بالمراقبه ممن لاتخفى عليه خافيه ,وعليك الرجاءممن يملك الوفاء,وعليك الحذر ممن يملك العقوبه"
غفلنا عن الرقيب ونسينا الحسيب,وصارت حياتنا بسرعه بسرعه,نصلي ,نقرا قران ,نصوم ,نتصدق ,ونسوي كل الطاعات بس عمرنا ماسالنا انفسنا هل قبلت ؟؟؟
وتقول وحده شفت نفسي كيف اهتم حييل بمنظري لما بروح لاحد ومنظري لما اصلي ,حالتي صعبه وريحتي طبخ ............قال ابن المبارك"راقب الله يافلان "فساله الرجل عن المراقبه "فقال له "كن ابدا كانك ترى الله "وهذا بلاابوك ياعقاب ,ننسى وجود من يكتب كل عمل صغير وكبير,وعشان نشعر دائما انا مرافبين لازم نحفظ هاالحديث قال عليه السلام"احفظ الله يحفظك ,احفظ الله تجده تجاهك ,واذا استعنت فاستعن بالله."
وكان دعاء الرسول عليه السلام "اسالك خشيتك في الغيب والشهاده"ااااااااااامين
تصدقون تاثرنا من مناظرنا ,,,,,وراح اقولكم كيف شفت نفسي اعامل غيري اروع"يمه,
كيف نحب انا نكون اهم حاجه واحسن حاجه حتى على حساب غيرنا واخذين الناس تريقه فلانه طويله ,فلانه قالت وسوت قال عليه السلام"المسلم من سلم المسلمون من لسانه ويده"........والناس عكست السالفه ماسلم احدمن احدبمعنى اكلوبعض,صارت السالفه سوي كذا عشان الناس ماتقول عنا كذا ,تغلط بنت ,يدمن ولد ,,,,,,,,,لالالا...........مصيبه موعشان حرام لاهذي مو موجوده بس الناس تاكلهم اكل ,تقول صاحبتي شفت نفسي وانا اقول ابي اعزم خالاتي واهل زوجي عشان مايقولون ماتعزم,نست قوله عليه السلام"من احب ان يمد في عمره ويبارك في رزفه فليصل رحمه"واااااااه على ام حسن مثلها واجد تقول قهرت نفسي وانا اشوف نفسي اصارخ على الخدامه قدام عيالي لانها قالت مدام في خمسه شهر مافيه راتب ,وانا اقول ليه اصبري لازم مافيه فلوس تقول وبعدمارحت تكلم نفسها وهي تبكي من قهرها سوق كل يوم ياكل من مطعم بس فلوس انا لا مايخاف انا اقول دعاء بعدين هي مريض ,غفلت ام حسن عن قوله عليه السلام"اعط الاجير اجره قبل ان يجف عرقه "والاغلب يسوي جمعيه لما تبي الشغاله تسافر يعني نشفت وشبعت.
اما ام حلاتقول شفت نفسي معصبه من مديرتي وانا ادعي الله لايوفقها الله لا...........طوط جهلت قوله عليه السلام "اذا دعا الرجل لاخيه بظهر الغيب قالت الملائكه ولك بمثل "يعني كل وحده تفكر دعت على نفسها كم مره ؟
اما حضرتي فكنت امشط حلوتي الصغيره ودق التلفون وكانت وحده طرت فيها ليه ماحد يشوفك ياقاطعه ,,,,,,,,,,,,,,وقفلت على طولت قلت لزوجي والله مااحبها بس اجاملها وحشيت فيها شوي,هي ماسمعت ولاشافت لكن يوم القيامه بتاخذ حقها وبالدنيا من حساناتي,تجاوزت قوله تعالى" يستخفون من الناس ولايستخفون من الله وهو معهم ,,,,,,,,,,,,,"حسره عظيمه خيمة علينا اسابيع وحنا نعيد ونزيد بالكاميرا مشاهد اكثرها ماقلته خجلانه منها ,المهم قررنا نتغير ويارب نحقق الغايه ونصل الى المراد,,
قال الشاعر اذا خلوت الدهر يوما
فلاتقل خلوت ولكن قل علي رقيب.
حبيت اقول لي قبلكم لين متى وحنا عشان الناس عايشين نراقبهم نخاف منهم,قال عليه السلام.......واعلم ان الامه لو اجتمعت على ان ينفعوك بشي لم ينفعوك الابشي قد كتبه الله لك ,وان اجتمعوا على ان يضروك بشي لم يضروك الابشي قد كتبه الله عليك رفعت الاقلام وجفت الصحف"والله ان الرقابه اساس لحياه صح متى مارقبنا انفسنا في تعاملنا مع عباداتنا تحسنت ومتى ماتعاملنا مع الناس بمبدا"عامل الناس كما تحب ان تعامل "اكيد بنصير مجتمع مسلم صح...
اساسيات المراقبه في كل حاجه نسويها نطلب الاجر من الله .........مافيه داعي نشوف انفسنا بكاميرا عشان نتعلم ............
اترككم بحفط الله ورعايته
موجودة111 @mogod111
عضوة جديدة
يلزم عليك تسجيل الدخول أولًا لكتابة تعليق.
قراري بيدي
•
اب
الاتقان
•
مشكوووووووووووووووووووووووووووورة كتير
كلامك راااائع
تكلمتي عن كذا نقطة موجودة عندنا ولا نحس فيها
1- الصلاة وماادراك مالصلاة.
2- الحش ....اااااف هاذي يبيلها محاظرات بطول وعرض
يعني بكون صريح معك ماتذكر اني كلمت وحدة من صدقاتي الا لازم نحش...
3- كلام الناس كل شي نسوية علشان الناس لاااا ونربي عيالنا ع هالشي
صراحة تعجبني الشخصية اللي ماتهتم بكلام الناس اللي تشوفه صح نسوية
يمكن طلعت عن موضوع شوي...
حبيبتي كبري الخط كرمال نقدر نقراه
كلامك راااائع
تكلمتي عن كذا نقطة موجودة عندنا ولا نحس فيها
1- الصلاة وماادراك مالصلاة.
2- الحش ....اااااف هاذي يبيلها محاظرات بطول وعرض
يعني بكون صريح معك ماتذكر اني كلمت وحدة من صدقاتي الا لازم نحش...
3- كلام الناس كل شي نسوية علشان الناس لاااا ونربي عيالنا ع هالشي
صراحة تعجبني الشخصية اللي ماتهتم بكلام الناس اللي تشوفه صح نسوية
يمكن طلعت عن موضوع شوي...
حبيبتي كبري الخط كرمال نقدر نقراه
الصفحة الأخيرة