رايحة على حديقة !!! الحقوني !!!

هلا اختي مها.....

ممكن للأطفال توزعيلهم أشياء عن قصص الأنبياء( خصوصا اللي في حيوانات..الهدهد...النملة..الفيل)

للنساء : مواضيع وايد..مثل الصبر, حكم الرطوبة, سوء الظن....طبخة سهلة مع صورتها....

ممكن تجيبين للأطفال بنك المعلومات اللي فيه أسئلة عامة ودينية ( هاذي من أيامنا واحنا صغار)

اذا اتذكرت أفكار يديدة بخبرج

مرحبا مهى ممكن تقوليلي أي حديقه عشان أعزم روحي وأطب عليكم,,,,,هاهاها

أسولف وياج أختي , أنا أقترح تطبعين للكبار الرقيه الشرعيه و وتوزعينها عليهم

وللصغار أطبعيلهم أذكار الصباح والمساء , أو أذكار النوم والأستيقاظ بخط كبير وغلفيه

حراري , وطلبي منهم أن يعلقونه في غرفهم ويقرونه كل يوم. أنا مسويه لعيالي منه.

وشرايج تيبين أكياس حفض السندويشات وتحطين حلويات و ورقه فيها طلب أوأمر

مثل سمع سورة , قول نشيده حلوة , لم الزباله وحطها في مكانها , بوس راس أمك

أو أي شئ يخطر على بالج..... طبعآ يتوزع على الصغار.


ان شاء الله ما أكون ثقلت عليج , وربي يوفقج ويهنيكم في طلعتكم....

مشكورات حبايبي .

تذكرت عندي قصص الأنبياء بس ما بتناسب أعمار أولادي تناسب الصفوف الابتدئية العليا.

وفكرة اذكار الصباح والمساء راح أطبقها واطبعها الان ان شاء الله .

اكثر شي راح يعجب الحريم الطبخ كثري منه والله المستعان

ما شاء الله افكار حلوة.. راح تفيد الكل باذن الله

شكرا ا ختي مهى على طرح الموضوع