رايحه لبيتي بعد الاربعين.. بس زوجي !!

السلام عليكم


حابه افضفض لكم حاجه بنفسي


انا ان شاءالله رايحه لبيتي بعد الاربعين الاسبوع الجاي

بس مشكلتي زوجي الله يهديه اقوله اليوم تبي تجي تاخذني الجمعه ولا السبت

يقول باخذك الجمعه بس العصر عشان يمديك لاجيتي تطبخين لنا عشاء !!

قلت معقوله تفكيرك كذا تبيني اجي على طول على المطبخ وين فرحتك فيني

ولا بس همك المطبخ والفراش!! قسم بالله قهرني ليه تفكيرهم كذا

يقول اذا ماطبختي اليوم تطبخين بكرا ! قلت انا عارفه هالشي بس اول مااجي المفروض تعشيني في مطعم او تسوي للي حفله بسيطه في البيت ويضحك علي وشكل ماعنده نية شي

تصدقون حتى الهديه يحس زوجي مالها قيمه! يقول ماينفع الحرمه تتعود على الهدايا

مع انو زوجي حبوب وطيب ومو بخيل بالعكس اذا احتجت شي عطاني

بس مايعترف في الهدايا ابدا يقول اي شي نفسك فيه اعطيك فلوس وجيبيه انتي

بس التغيير مطلوب واحب انك تفاجأني بس مافيه امل يتعود حاولت اعوده مو راضي

غير كذا انا هالاسبوع اجهز نفسي واغير اللوك واهو مرات يوديني بس لسى

ماشاف شكلي ويقولي وشوله كل هالمشوره وليه تتعبين نفسك يله بس جيبي اغراضك وتعالي للبيت

انقهر احس انو مو متحمس يشوفني اغير لوكي واجي كاشخه يقول ماله داعي كل هالخرابيط

قسم بالله بديت احس ببرود واني مو متحمسه اروح لبيتي

معليه يابنات كلامي مو مرتب بس مقهوره وفضفضت لكم

ادعو لي ان الله يسخره ويحنن قلبه لي