رايكم اطلب الطلاق انا مليت وتعبت

السلام عليكم ياخواتي بالرخا والشده انا زمان قبل سننتين صارت ليه مشكله ورحت لهلي ست شهور رديت له السبب امه ضلمتني وهو معاها ضدي وضد امي امي يوم من الايام جلست عند جدتي ام ابوي وجدتي صديقتها عمتي ام زوجي وتسبني عند امي بنتك عوبا ماينقوي لها وجدتي تحط العيب فيني وانا ماغلطت على عمتي ولا ضلمتها واي ام راح تدافع عن بنتها امي علمت جدتي وش بيني وبين زوجي وسبب زعلنا واني مضلومه وعمتها ضلمتها حلو هاذا مو موضوعي هذا ملف طويته من سنين ورجعت لزوجي وزوجي فتح هالملف قبل ساعات بس حبيت تكون عندكم هالخلفيه
اجي لموضوعي
جاء زوجي من برا ويبي يرجع يطلع المهم وهو طالع قلت له اهلي بيجون بكره وابي اروح معهم حتى اتقضى للعرس انا في منطقه واهلي في منطقه المهم قال وشو عرسه قلت عرس فلان فلان ذا حماي اخوه قال منتي حاضرته اعلمك من الحين غيرت نمط اسلوبي معاه وقلت الا بروح اكلمه بهدو وجديه هو النمط اللي يتكلم معي فيه اتكلم معه فيه يعني بالبدايه يضحك ويتريق واويقول لا منتي رايحه وانا امشي معاه بنفس النمط شوي قال انتي تمزحين ولا شفيك قلت لا مامزح انا بروح قال اغسلي يدك من الروحه انا اروح بليلتي وارجع بليلتي قلت وانا معك ارجع بنفس الليله ماني جالسه قال منتي رايحه ولا تجادليني قلت دامك ماتبي تقابلني بالسياره احجز لي منصدم من اسلوبي واصراري وحدتي بالكلام قال انتي تمزحين لو ماني ماخذ هالكلام مزح طلقتك قلت لا مامزح وطلقني ليش وش عشانه اني اقول بروح معاك جاء بيمد يده علي ويتكلم علي قلت ماتمد يدك علي قال ادخلي لاتجادليني ولا والله لاطلقك قلت طلق ودخلت ويمشي وراي ويتكلم وانا كاتمه بس ابيه يطلع عني عشان مازل بكلمه وانا معصبه ويحسبها علي الديره اللي فيها الزواج ديره خوالي ومنعني من شوفتهم قلت من اخذتك ماشفت خالاتي وخوالي قال جوك مره وشفتيهم قلت ابي سبب مقنع يدخل مخي ولا اروح وعصب وجاء بيمد يده قلت انا اروح لقاربك وانا تحرمني من روحه لاقاربي وعصب قال اقاربي اقاربك تقل اجنبيه عنا قلت هذاني بروح لخوالي منها احضر العرس واشوف خالاتي بالزواج واستانس وانبسط قال لا انا عيالي مابيهم يطبون هالديره قلت ليش *****الله وياكثر الكلام اللي دار بس ا اللي اذكره دخلت غرفتي وبنتي تبكي تبيني اشيلها وانا ماني رايقه دخلت الحمام بس ابيه يطلع برا البيتكلي طاقه سلبيه ابكفي شري عنه مابي اشوفه وابيه يكفيني شره ويطلع فتحت الحمام بوجهي واقف شايل بنته وانا ولا كاني اشوفه اخذتها واخذت استشواري ودخلت الحمام انا وياها وقفلت يطق علي افتحي وفتحت قلت شتبي قال تستشورين وبنتي معك بالحمام وبالحر طلعت ولا كاني اسمع رحت للصاله ابيه يطلع عني يتكلم وانا رايحه يتهددني بهالاستشوار اخذ استشوراي من مكانه وطلع كلمته قلت وين استشواري قال ماني معطيكياه معي قلت عطنياه بنشف شعري ويتلفظ ويتكلم قلت بالله ذا تصرف قال انتي تبين هالليله تكونين منتي على ذمتي اكلمه بكل عقلانيه وهدوو وانا داخلي احترق قال انتي تبيني اطلقك قلت طلق عشان اقول طلقني عشان استشواري اخذه مني قال ايه انتي مفضحه امك مفضحه قلت ماشاءالله كلام جديد قال ايه جديد قلت ليش تاخذها المفضحه دام امها مفضحه عرفتو ليش فتحت دفتري القديم لكم امي مفضحه لانها دافعت عني
من اللي غلطان عالثاني انصفوني
من ضمن الكلام اللي قلته قلت انا اللي تقولك سم وابشر استاهل اللي تسويه فيني
عاد مرسل لي رسايل عالوتس مادخلتهن وبحذف الوتس بكبره
يتهددني وانا استاهل كل شي سويته عشانك تبالعين علي
وشو اللي سواه البيت اللي بناه يتمننه علي واليوم طلبته حلا من برا من محل حلويات على اساس بعزم حريم اليوم عندي بس عزمتني جارتي قبل اعزم واجلت عاد يقولي بيجنك حريم بكره قلت ماحد جاي ولاني عازمه احد قال ايه لاتعزمين لاني ماني جايب شي يقصد صحن الحلا اللي طلبته اليوم منه وكنسلته يقول لاتعزمين ولاني جايب لك شي لانك ماتستاهلين اجيب لك رز وطحين بس قهرني اكلمه وانا بالمطبخ قلت اعزم اللي انا اعزم وتجيب اللي انا ابي هذا حقي قال نشوف 😭💔💔💔