و اش موضة هالأيام من اقمشة و ألوان ؟؟

طلبتكم لا تردوني

شوق و توتة ..

الصورة الثانية اللي حطيتيها أحسها موديل حريم كبار ..

المشكلة في الفستان الأول مو اللون و إنما الموديل ..

تحسيه فوضوي نوعا ما ..

أنا أشوف لو تروحي لمصممة أو بوتيك بإذن الله راح تلقي طلبك ..

إذا انتي من جدة ممكن أفيدك ..

زواج أخويا كان قبل كم يوم و حاسة فيكي p:

ربي يسعدك ياااا قلبي جد ما ادري اش اقلك
من جد حست مررررا
و نففسي تطلع لي طلعة
أول اخواني و في ناااااس كثيييير ما شافوني من زمان

أنا من مكة و عادي ممكن أنزل جدة
ساعديني ربي يرزقك الجنة

:26:

طيب شوفي يا قلبي على حسب ميزانيتك ..

إذا أقل من 2000 ريال ممكن تفصلي أو تشوفي جاهز ..

بس هنا التفصيل راح يكون عند خياطين لأنه غالبا أسعارهم أرخص ..

فيه مشغل أميرة في مجمع الشرق ..

المعلم اللي فيه ممتاز ..

مشاغل العمارة الزرقاء يمدحوهم مرررة و يمدحو أسعارهم بس ما جربتهم للأسف ..

الجاهز روحي محل AMH في الأندلس مول ..

فساتينه مميزة و ما تلاقيها في المحلات المجاورة ..

بس اتأكدي ان الموديل جديد يعني اسأليهم متى نزل ؟

لو الميزانية 2000 و فوق ..

هنا ممكن تاخذي لك فرة على البوتيكات بوتيك فايزة و فادية و مي فتياني<< اللي رحتهم و أكثر شي لفتني بوتيك مي في الروضة ..

فيه بوتيك مومينتو في مول البساتين اللي في شارع التحلية ..

للمصممة دينا فرح عندهم موديلات من تصميمهم ممكن ينفذولك هيا أو ممكن تجيبي التصميم من عندك وينفذوه ..

تجربتي معاهم كانت جيدة و عيبهم هو عدم التزامهم بالوقت و لازم توقفي فوق راسهم و تتابعي كل خطوة معاهم ..

تعبونا في دي النقطة صراحة ..

أو ممكن تروحي لمصممة تصمم لك حسب جسمك ..

صحيح في بوتيك ريري عبود في التحلية تصاميمهم مو مرة بس خياطتهم راكزة يعني جيبي موديلك و خليهم يفصلو لك ..

جدة مول فيه محل اسمو رفا في البدروم (قدام المصعد مباشرة ) هو تابع لرهيد ..

فيه عندهم فساتين حلوة بس أسعارهم شوية مرتفعة ..

برضو فيه روشانا التحلية مليان محلات تخيط فساتين بالموديل اللي تبغيه خلال أسبوعين تقريبا ..

و إذا مناسبتكم بعيدة شويا و عندك حس المغامرة عالي فيه عندك موقع نيويورك دريس :upsidedow

فساتينهم روعة و أسعارهم معقولة جدا و يمدحوهم في النت بس ما جربتهم شخصيا ..

إن شاء الله ناوية أجربهم قريبا :pinklove:

أتمنى أكون أفدتك و أي سؤال أنا حاضرة ..

إذا جسمك حلو احرصي انك تلبسي فستان راكز عليه و يبين تفاصيلك بأناقة ..

و الألوان اختاري اللي يعجبك و يناسبك ..

البمبي و التيفاني و البيج و الذهبي و الأحمر كلهم حلوين ..

أنا عن نفسي لبست أسود مبطن بسكري ..