رايكم باللي سواه زوجي فيني

السلام عليكم

انا جيتكم بعد ماتعوذت من الشيطان لاني كنت بروح بيت اهلي بسبب زوجي
زوجي طفشني باخوياه مليت العيشه معه بسببهم
امس بالليل تعشا عشاء خفيف وطلع الساعه 10 من البيت للاستراحه ولا رجع للحين
يوم طلع للاستراحه رحت لاهلي كالعاده يوم الخميس والساعه 2 او 1 نرجع ونجلس مع بعض انا وياه
المهم لين جت الساعه 3 ونص ماجاني ولادقيت لانه يتفشل من مكالماتي عند اخوياه ع قولته والرسايل يقول ماحب افتحها بعدين برسله بالواتس وارسلت له وينك انتظرك قال انا عندي رجال بالاستراحه ولامشو ولا اقدر امشي واخليهم خلي احد يوديك من اهلك رحت لبيتي ع صلاة الفجر لبست وكشخت قلت اكيد يجي ونفطر انتظرته لين 7 ونص بعدين لفيت شعري ونزلت حوستي ونمت صحيت بعد ساعتين ولا جاء لين جا 10 قلت بشوف وينه يمكن صار له شي اقل يدق يقول بروح مكان ولاشي مو معقوله مقابل اخوياه لذا الوقت
دقيت ع جوال ورد الا صوته نايم قلت وينك باسلوب لاني قلت احتمال انه نام بالمجلس وانا ظلمته
قال انا بالاستراحه ناااااااااااااايم
انا ولعت انقهرت وش هالبروووود وش هالتهميش لي
قلت ليه سلامات قال عندي خويي قلت له تعال نم معي بالبيت قال لا بنام بالاستراحه ونمت معه ياحرام خويه خايف ينام برووحه
ليه كذا مليت منه بصراحه شي كبير بحقي نايم مع خويه الرجال يسهرون مع زوجاتهم وهو مقابل خويه يداريه
حركاته حركات عزابي يبي يطلع ويرجع متى مابغى
ولايبي ادق عليه تصرفاته تجيب الشك لنا سنتين متزوجين
وومن فتره سوا نفس الحركه وجاب لي مية عذر اول شي كذب علي قال رايح اوصل اخوياي لبيوتهم مامعهم سياره وبيتهم بعيد ويوم جاء قال اكذب عليك بس مافي وقت اشرح لك ويني ع الجوال انا رحت مع جارنا احل مشكلته ماسكينه الشرطه ولاتعلمين احد شكيت انها كذبه بس عشان اقتنع
والحين هذا مو عذر خويي نام ونمت معه المشكله الاستراحه بنفس الحي موبعيده مالك عذر وخويك يدري انك متزوج ووراك زوجه وبيت وطفل


وش رايكم باللي سواه نايم برا ولا حتى كلمني وطمني وعطاني خبر