صح لسانك كل كلمة قلتيها انا معها
لازم يوفرون وظايف محترمه للحرمة وحطوا تحت محترمه خط الحرمة مو شئ رخيص ومبتذل يحطونها في اماكن رخيصه زيهم الحرمه كائن راقي وثمين لاااازم يوفرون لها وظايف مناسبة مايشوفها الرجال ولا يختلط معها كل من هب ودب
جزاك الله خير

بالعكس انا بصراحه مرا مؤيده ومافيها اي شي
دخلت سنتر بوينت قسم الملابس الداخليه وكانت البنت قمه في الادب والحشمه والذوق من جد الله يوفقها هي شغلتها بس تطلعلك اللي تبغي
وماتطلع من نفس القسم الا لما يخلص دوامها

بعد اللي شفته انا ضد القرااااااااار 100%
صح اول كنا ننحرج لكن اللي كلها خمس دقايق ناخذ اللي نبي ونطلع من المحل او يكون معنا محرم وقت الشراء << يعني ماكانت هذيك المشكله الكبيرررره
لكن الان وش الوضع ؟؟؟
اختلااااااط وسوووالف وضحك ..!! اخرها في سينتربوينت البنات شكلهم ولبسهم وعباياتهم مو شكل محتااجه ابددددد ..!! هذا غير انها كل شوي تروح للرجال يافلااان وين كذا وكذا
والرجال ينادونهم باسمااائهم ..!!
هذا بخصوص المحلات الكبيره
اما المحلات الصغيره ,, صحيح اللي فبها بنت ولا بنتين ,,لكن كيف الاشكال .. هذا غير الزباااين نصهم رجال يعني برضوا اختلاااط ,,


اما الشى اللي احزنني جداااااااااااااااااااااااااااا
محل مكياج في سوق حجااااب ... اه بس لو تشوفون الحريم اللي فيه
وربي رحمتهم ,,, عمرهم كبير نسبيا ولا يعرفون عن شى اسمه مكيااج لكن والله محتشمات براقع وعباية راس
وكل ماسالت عن شى يرتبكون ويقولون اساليه هذاك

وطبعا كل محل كبير جايب بنتين تسكيت للقرار لكن اللي يدير المحل واللي يحاسب الرجال اللي بالمحل

والمحلات الصغيره في المولات بنااات اللي يحاسبون لكن اشكالهم واختلاطهم بالرجال ..!!
الوضع اخزى من قبل القرار ..!!

يعني طووول وقت الدوام البنات والرجال في محل واحد ..!! وطبعا اكيد تمر اوقااات كثير مثل العصر مايكون فيه زباين ... وش اللي بيصير وقتها ,, اكيد سوالف ونظرات وتعارف وغيره

وبخصوص المحتاجه اقولها .. من ترك شى لله عوضه الله خيرا منه

يا ناس ارحمونا ترى غثيتونا كأنه الدين حكر عليكم ايش فيها لما حرمة تبيع لحرمة
ولا كانو عاجبينكم الرجال اللي جابو البلى للناس

أقول لكل وحده مو عاجبها شغل الحريم في المحلات أذا أنتي الله مغنيك عن الناس وقاعده معززه مكرمه في بيتك هي بأمس الحااجة له تلقين أبوها شايب وأخوانها مالهم وظيفة أو مطنشينها وهي محتاجة والله البنات يحتاجون اشياء كثيرره ومو كل شوي تقعد تشحذ أخوها والا ابوها العوايل تختلف الزمن هذا صارت المره مسؤله عن نفسها أغلب الحريم يصرفون على عوايل سواء كانت مدرسة مستخدمة ممرضة بائعه في محل للمستلزمات النسائية دكتوره موظفة رسبيشن كله شغل محتررررم بالحلال أهم شي أن يكون حجابها ساتر وكلامها ذرب ومحترم
والله يوفق كل وحده منهم ويسعدها