رايكم بصراحة في البنت اللي ما ترقص >>استفتاء :)

السلام عليكم بنات
كيفكم إن شاء الله بخير :27:




راح ابدأ في الموضوع بدون مقدمات

طبعا انتم عارفين ان في اي مناسبة زواج..ملكة..ولو اي عزيمة عادية لازم يكون فيه مسجل ورقص للحريم
وكل وحده تقوم ترقص وخصوصا البنات اللي ما تزوجوا يعني الصغيرات ...
طبعا انا اختي الصغيرة في الثانوية ما تحب انها ترقص تشوف انه نقص في العقل وان البنت العاقلة هي اللي ما ترقص>>وعلى قولتها من رقص نقص
انا دايما احاول فيها تتعلم ترقص وتقوم مثل البنات اللي بسنها بدال ما هي قاعده كأنها عجوز والمشكلة البنات اللي بسنها ينظرون لها نظرة انها ما ترقص لأنها معقده:44:
والحين عندنا مناسبة في عطلة الربيع راح يحضر فيها حريم ما شافوها قبل وانا اقول لها ابدي تعلمي الرقص من الحين عشان تظهرين عندهم بصورة حلوة انك بنت خفيفة دم قالت انهم اكيد اذا شافوها جالسة تصفق للي يرقصون وهي جالسة راح يحسون انها عاقلة اكثر من اللي قاعدين ينططون على قولتها
وتقول ان عمر الرقص ما كان شي مهم وانا معها في هاذي النقطة بس اغلب الحريم يحسون ان البنت اللي ما ترقص معقدة وثقيلة دم :44:
فقلت مالي الا بنات عالم حواء اسوي عندهم استفتاء وش احسن البنت اللي ترقص ولا اللي جالسة
يعني انتي وش يلفت نظرك اكثر البنت اللي ترقص ولا اللي جالسة




بانتظــــــــــــــــــــــــــــــــــاركم كل وحده تكتب رأيها بصرااااحة :27: