أنا كنت مجروحة من خطبة متكنسلة وتهورت اني بوافق ع أربعيني عشان بس اشفي جرحي صدق كنت متسرعه بس محد يحق له يوقف فطريق احد... شاركت في تدمير عقدي عدة أشخاص والله عدل اخذ حقي منهم ضاع مستقبلي وهو كان ضايع وتزوجت شخص خطأ كل يوم يدمر نفسيتي ... الله يسامحهم لوقوفهم فطريقي مانصح احد يوقف فطريق احد ترى دعوة المظلوم ليس بينها وبين الله حجاب
كل شخص يشوف نفسه صح لكن صاحب القرار هو اللي له الرأي هذي حياته صح والا لا.
تزوجنا انسان قريب من عمرنا ماشفنا تقارب فالافكار كله كذب فكذب الفارق في العمر ماهو دائم يؤثر ماحس أفكاري زي افكار زوجي وييين بينا انهار ومحيطات وجبال هي دنيا وبتروح الله يعين عليها وعلى مافيها.
أنا كنت مجروحة من خطبة متكنسلة وتهورت اني بوافق ع أربعيني عشان بس اشفي جرحي صدق كنت متسرعه بس محد...
وحتى البنت اللي تكلمتي عنها ربما يكون كلامها محاولات لحفظ صورتها قدام زميلاتها عشان ما تحس بالنقص لان مافي بنت لساتها صغيره تدرس اهلها يقبلون يزوجونها من شخص كبير ومعدد إلا اذا كانو اهل عندهم ظروف معينه ويشوفون ان تزويج البنت من أي شخص يتقدم لها يكون سبب في تخفيف ظروفهم افضل من رفضه حتى لو انه غير مناسب
وانتي تعرفين احنا المجتمعات العربيه الشرقيه الراي الاول والاخير بمواضيع الزواج يكون عند الاهل مو عند البنت والبيوت اسرار
رغم اني ما انكر وجود حالات من البنات فعلاً يفضلون ازواج بمواصفات وظروف غير عن اللي تعودنا عليه مثل انه يكون متزوج او كبير سن
وبخصوص الموضه تدرين اخر 3 شهور تقريباً بتويتر صايره تطلع لي اكثر من مره تغريدات لبنات يشجعون على الزواج من شاب اصغر منهم بالسن ويقولون السبب ان الشاب تقل خصوبته بالثلاثين ويضعف ويحطون صوره فيها مقارنه بين مستويات الخصوبه عند الرجال والنساء في مراحل العمر وفيها باين ان خصوبة الرجال تقل ويضعف بدري مو المرأه مثل ماينشرون على مر السنوات ويصورون ان المرأه ضعيفه ومافيها خصوبه اذا وصلت ثلاثين وفوق
والتعليقات عندهم انواع التأييد وناس تذم حياتها مع ازواجها واكيد ناس تعترض
احس مثل هذي المواضيع بمواقع التواصل مثل مناكفات ومشاحنات وانتقامات وحرب بارده بين الذكور والاناث على مر السنوات كل طرف يحاول يدافع عن فريقه بطريقته