رايكم بكنب موف و اكسسوار رمادي

السلام عليكم ورحمة الله وبركاته
حبايبي قبل كم يوم نزلت موضوع أستشيركم في بوية الصالة كنت أبيها رمادي وصارت سماوي
طبعا مختارة البوية من ورود من دهانات الجزيرة
اللون بديت أتقبله لكن طريقتهم في تفيذ العمل جدا سيئة
وبعد أخذ ورد قال العامل صراحة احنا مانضبط ورود
نضبط روعة
الحين الصالة قلنا غيرها برغم ضعف الميزانية لكن الله يعوضنا
واخترت لون من روعة اسمه أحلام
اللون فاتح وجاي علية مسحة خفييييفة موف
صاير كأنه فضي عليه لمسة موف
صالتي مفتوحة
والجزء اللي بحط فيه الكنب هو اللي اخترت له هاللون
الجزء الباقي من الصالة + الأسياب اخترت كريمي ربع لمعة
السؤال الأول
هل يناسب اللون الأول مع الكريمي؟
يعني الجلسة اللي هي 3 جدران هي بوية أحلام
والجزء الباقي من الصالة كريمي
السؤال الثاني
الكنب بحطه إن شاء الله مودرن زاوية واللون موف سادة
وش أحط ألوان الخداديات والفرشة والستارة والطاولات؟
تفكيري المبدئي
محتارة في الخداديات بين اللي تجي مشجرة رمادي وأبيض أو فضي ودرجات الرمادي
واحترت في الألوان الزاهية مثل الوردي والأبيض أو البيج
الفرشة فكرت برمادي
على فكرة الأرضية فاتحة
الطاولات محتارة أحط بيضاء أو سوداء
الستارة محتارة فيها مرة ولا جت أي فكرة في بالي
لأن الجدار فاتح وما أدري أخليها فاتحة أو لا
ودي بستارة بيج أو سكري
بس مدري تمشي مع التنسيق السابق
محتاجة آرائكم خواتي
وأعتذر على الإطالة