رايكم بنات

الله يحنن قلب أمك عليك

انا برأيي امك اولى ورضاها فوق كل شي,,بس مايمنع انك تفهمين خواتك انك هالمره مالك دخل بس وحده منهم تمسك اللي انتي تمسكينه دايم علشان تغير امك نظرتها لك ,,لان اغلب الناس الحين هذه سالفتهم زي امك او ام ماتبي حريم عيالها تفرقوا الناس مافيه صلة رحم الله يعيننا ويعينك على هالدنيا بس ولا تضيقين صدرك ترىكل اكثر الناس كذا مايجتمعون الا بالموووت واذا اجتمعوا قلوبهم مو على بعض الله يكفينا الشر....

ياحياتي اتمنى انك تحرصين على رضى الوالده قبل كل شيء
وهي اهم من ترتيب الجعااات خلوكم حواليها ولها بسسسسسسسسسس

واذا بتبرون ابوكم رحمة الله عليه روحي زوري اهل ابوكم في بيوتهم مولازم تجمعينهم ياغلاتي على حسااب رضى امك

ومهمااا كانت اسباب امك فالاولى برررررررررهاااااا

ترى الام لا كبرت تسير زي الطفل يبيله مدارات

سلام اختي احبيبة

لتحلي اي مشكلة جدولي اولوياتك في البداية:-
أولا وش تعنين بأهل أبوي === حددي صلت القرابة (درجة أولى -أم,أخت،أخ، خال،عم- والا درجة ثانية -بنت عمته....الخ-
أو درجة ثالثة - بنت عمة أبوه....الخ):09:
ثانيا مافيه شيء اسمه أمي مايعجبها شيء ابدا (الام أم ) وهي مقدمة على الجميع
ورضاها شرط دخولك الجنة، وعقوقها تعاسه في الدنيا وحسرة في الأخرة

وبعدين رتبي اوراقك وافرزيها:-
ايجابي ---------------سلبي
صلة رحم ----------عقوق أم
وناسه مع الجمعه-----أنا في الواجهه
خواتي بصفي-------أنا المسؤولة قدام أمي
شخصيتي قويه------ضعيفه عند ماما
اريح ضميري-------تتعب أمي
أبر الوالد الله يرحمه---أخسر رضا الوالدة(يمكن تدعي علي)

أقترحي الحلول المناسبة والعملية:-
- الوالدة مزاجها رايق أطلبيها (قولي تم يأمي).
-الوالدة تسمع لأحد من خواتك وسطيها
- أقفل الموضوع واكسب أمي ورضاها
- اعزمهم ولا تدري أمي (يمكن تدري من أحد بعدين)
-متزوجة وعندي بيت اعزمهم في بيتي بلا استراحة بلا خساير
-أعزم أهل أمي في استراحة بالمقابل يمكن ترضى
-أزورهم في بيوتهم صلة الرحم ماهو شرط فيها الاستراحة
-اكلمهم تيلفون --جوال ---ماسنجر على حسب العمر والاهمية (التواصل اشكاله متنوعه)
-ادعي لهم في ظهر الغيب أبرك واكسب الحبيبة
-ازورهم لو احد مرض أو وحدة ولدت أو تزوج عندهم أحد أو بالعيد

الحلول كثيرة والبدائل أكثر
تعوذي من الشيطان وصلي ركعتين واختاري الحل المناسب لظروفك

واخيرا اعتزمي الله واختاري أفضل الحلول المطروحة
وسعي صدرك الحياة تجارب
ومافيها شيء لو حسبتي الحسبه وطلعتي انتي الغلطانه
ترى كلنا بشر وياما غلطنا أو ضعنا ولما ننتبه لأنفسنا
نحاول نرجع لطريق الصحيح :26:


واخيرا ادعوا لي أن الله يثبتني على الصلاة
واجاوب زين في الاختبار
ويصلح عيالي ويهدي رجلي :09:

الله يحنن قلبها عليك وترضى عنك