كيفكم خواتي عساكم طيبات ومبارك عليكم الشهر بعد الزحمه
مالي بالمقدمات كثير بس حابه أفضفض لكم وفي نفس الوقت باخذ مشورتكم باللي راح أقوله
انا يبنات لي عند أهلي سنه و5 شهور بحكم عمل زوجي كل شوي فمنطقه يابنات والله العظيم تبهذلت بهذله أولادي تيتموا أحس اني أرمله زوجي حاط مسؤولية الأولاد علي عليه إنه يرسل مصروفهم فقط التربيه صارت كلها علي والوضع صعب جدا عند أهلي كل واحد عايش لنفسه تخيلو يبنات والله العظيم حتى الحمام ماعندي الا صندقه حتى لمبه مافيها وغرفه وحده حتى أنا اللي ركبت لها البلاط والنوافذ
ان جيت أطبخ أطبخ لثلاثين نفر وخواتي على هالجوالات وهالبرامج أقسم بالله ان أولادهن مثل أطفال الصومال لايطبخون أكل ولا وحده فيهم تشوف طفلها كل وحده عندها 4 لكن بدون اهتمام
المهم يبنات والله العظيم إني تعبت ونفسيتي صارت ف الحضيض خلال هالفتره بس والله العظيم شعري صار أبيض
يتمشون يطلعون يسيرون يتسوقون الا أنا ما أطلع من البيت
حامل فالشهر الخامس من كثر فهاوتهم ماحد يدري إني حامل
أجي لزوجي المصون من شهر 4 العام وهو يقول باخذك الشهر الجاي جا 4 وعدت وراه سنه و5 شهور والحال كما هو الين خلاص ماعاد فيني للصبر
كلمته ياخذ لنا بيت يقول مايامن علينا ومن هالكيس اللي يخرطه لي كل شهر وان الظروف حادته ومن هالكلام بس أنا ماعدت أصدقه صرت أشوفه يتهرب من المسؤوليه قلت له خلاص دور لنا أي أحد يأجر بيت قال مستحيل أخذ لك بيت فالديره وبيت أبوك موجود مع أنه يعرف حالتي عند أهلي
قال خلاص باخذك عند أبوي قلت منت صاحي ماعاد الا هي أعيش مع حمواني وعزابين بعد ونت فعملك علما انه مايجي الا أيام ويروح
قلت له بعطيك الفلوس اللي عندي وخذ لنا بيت فمدينه رفض رفض قاطع وقال انسي
يبنات إيش أسوي والله العظيم تعبت
حتى الآن ساحب علي من 3 شهور وذا اتصل يسأل عن الأولاد وكيف الجو وكيفك ومع السلامه
مادري كيف أتصرف والهموم زادت علي من بعد البارح لأني شفت شي ماينسكت عليه وعلمت الوالد وصارت مشكله وهواش وطلعوني كذابه هذا غير القذف اللي لقيته حسبي الله ونعم الوكيل
انا والله العظيم ماهمني من الموضوع كله الا أولادي أمنيتي يعيشوا بعيدا عن هالأجواء ولو خسرت الغالي
- سامحوني طولت عليكم وفي نفس الوقت كلامي ملخبط لأن في أشياء ماقدرت أوضحها بس طلبتكم أدعوا لي ان الله يفرج همي وغمي ويحفظ لي أولادي وان زوجي يوافق يدور لي بيت بدون مشاكل