رايكم عن الي حاصل في صالة الاتحاد السعودي للجمباز

سلام عليكم ي بنات ..
قلت في نفسي لازم اكتب لكم واعرف رايكم في الي شفته أمس في قناة العربية عن تدريب البنات في سن 7 - 14 سنة في صالة الاتحاد السعودي للجمباز يدربونهم .


وصار مقابلة مع المشرفة على البرنامج وقالت لخصته انا "انه الهدف من البرنامج او التمارين تأهيل البنت السعودية للمشاركة في المنافسة على الأصعدة الدولية وإبراز مكانة المرأة السعودية في مجال الرياضة ".


لحد الآن كل شي تمام بس الي لفت نظري والي خلاني استنكر الي شفته واكتب لكم هو انه في رجاجيل هم يشرفون ويدربون البنات هناك . انا اول ماشفت المنظر قلت لا يمكن هذي أبوها واله اشوف اكثر من ريال فيه يدرب هناك ولا بنات الي خلاني افور انه هو يمسك رجلها او ظهرها عشان يعدل لها الوضعية الي تتمرن عليه البنت !! يا سلام يعني بنات مافي حريم هم المفروض يمسكون ذي الأماكن ! وكيف أولياء الامور يسمحون لبناتهم يتدبرون في مكان الريال هو المدرب والي يشرف عليهم .
يعني مايخافون عليهم وخاصة هم لسه صغار . انا ماعندي بنت بس والله مارضاها لبنتي وبناتنا بعد اذا ماكانت حرمة هي متابعتهم.
بنات ترا انا عن نفسي والله الشاهد على أشجع البنات الي تحافظ على جسمها وصحتها وتنافس بعد في البطولات النسائية ، بس مو يعني مثلا تتخلى عن حجابها ، او الريال هو مدربها لانه طبيعي بيكون احتكاك بينهم ومحد مأمن على نفسه اذا الشخص الي جدامه سوي، الشيطان ترا ما مات.
وانا اروح الجيم بس نسائي طبعا أحافظ على جسدي ولا ازيدكم من الشعر بيت مرة رحت جنة دلمون الي في البحرين بس يوم نسوان طبعا والموظفين في ذاك اليوم حريم طبعا . الوحدة ماتمنع نفسها تستانس وتفرفش بس والله يحفظنا بحدود عشان مايصير الغلط وعيونهم علينا أستغفر الله.
وبس والله هذي الي كان في نفسي كنت ابي اقوله لكم وتشاركوني رايكم وبمنطلق حريتكم 😆 عن الموضوع وموقفكم منه .