رايكم في جنسية الشغالة أنا ما عندي أطفال لكن عندي ....؟

السلام عليكم ورحمة الله وبركاته
الله يسعدكم وين ما كنتوا
أنا مشكلتي باختصار اني محتارة في جنسية الشغالة اللي ابي استقدمها فهذي تعتبر أول تجربه ليخاصة مع ظروفي اللي بوضحها
أولاً أناعندي ثلاث من أخواني أعمارهم فوق الثلاثين مابين أولاد وبنات عندهم تخلف عقلي من الدرجة المتوسطة غير السليمين الله يحفظهم كلهم ويعافي مريضهم
ثانياً أنا دايماً أقول يارب إني ما اضطر للشغالات والله يغنينا عنهم
واللي جبرني عليهم البلاء والحمد لله على كل حال بعد ماطحت شهر بفراشي صار شغل البيت كله على راس أمي الحبيبة والشغل تعبها كثير وخاصةً إنها كبيرة سن ومريضة هشاشة عظام يعني من غير شغل هي تعبانه ومع الشغل ما أدري وش أقول لكن الشكوى لله
والله الهم هلكني والخوف ذابحني
وحبيت أخذ رايكم يالطيبات في أمري وش تشورون علي أي جنسية أقدم وخاصة إني بحثت كثير قبل ما أكتب موضوعي هذا، وصراحة أفتر مخي من كثر ما قرأت


مشورتكم ونصيحتكم الله يجزاكم خير
ودمتم في حفظ الله