رايكم في زوج يتكلم عن زوجته عند الرجال؟!

سلام عليكم حوائيات


سالفه مزعجتني جدا في حياتي مع زوجي


من يعرف له احد معرفه يوم يومين اسبوع يموق عليه يرمي نفسه ويجلس يتكلم مرتي قالت وفعلت وقلت لها وردت كيذا وسوت كيذا وقلت لها وقالت وهي ذاك اليوم قالت سوت وفعلت ويسولف لهم سوالف خاصه بيني وبينه
وما يدور في حياتنا من هب ودب يقول له


حتى لو اقول له اللمبه خربانه يكلم عامل ويقول له تعال حالا اذا قال بعدين قال زوجتي مسويه لي ازعاج وتبيك تجي حالا تصلح اللمبه


في البقاله في المسجد في الشارع
شقتنا صغيره ومافيها مجلس للضيوف الا يدخل ناس في الشقه وغرفه صغيره للعياال مقابل الباب اصدقاه اللي يخافون الله يوديهم مجلس اهله لكن السرابيت يجيبهم الشقه ماعنده مشكله اذا المكان مش مناسب يجيبهم ويتكلم فيني ياخذ المعرفه السريعه مع من هب ودب صداقه وحب اخرتها واحد من اللي فضفض له عني وعن حياتنا وخصوصياتي راح مقر عمله وقال لهم فلان يقول عن مرته كيذا وكيذا وكيذا فضحني عند الرجال وعند الجماعه


اقول له ما اقدر استقبل احد في الشقه صغيره ومفتوحه ع بعض يقول اجل بقول للرجال انك ما تبين استقبله !؟


ما تعرف توديه مجلس اهلك ما تعرف تقول ما عندي مكان


ابي فتوى في اللي يتكلم عن مرته عند الرجال او عطوني رقم شيخ مفتي يعلمني وش اسوي تعبت منه فشلني والله عند رجالنا وربعنا
لدرجه يتكلم باشياء خاصه جدا لا قلت له عيب يقول هذا انتي تتكلمين انا لو تكلمت انا مره انت عليك عيب وحرام
حسبي الله ونعم الوكيل