رايكم في هذا الموقف هل هو لئيم والا انا فاهمة غلط

السلام عليكم ورحمة الله


بنات بدخل بالموضوع ع طول
انا تطلقت قبل تقريبا 3 شهور ومن وقتها لليوم ماحد من طرف طليقي حاول يتدخل لحل الموضوع المهم


المهم قبل اسبوع بنتي كانت عندهم ومرضت عندهم وارتفعت حرارتها بشكل كبير. وكانوا يحسبونها خلاص ما بتقوم .. بعيد الشر عن قلبهل
بنتي عمرها سنة ونص
وتنومت فالمستشفى اربع ايام
ماعلموني الا بعد يومين من دخولها اامستشفى وعلى طول رحت المستشفى اشوفها بنفسي وطلبت اني اجلس معها ذيك الليلة مرافقة


واليوم الثاني قال الدكتور خلاص بيكت لها خروج
كل شي لحد هنا عادي
المهم وقت الزيارة الي كان مفروض انا خلاص امشي وام طليقي تجي عشان يحلصوا اجراءات الخروج .. كنت بالغرفة مع بنتي وجات ام طليقي غير انه سبحان من يغير ولا يتغير ولا كانها تعرفني ولاكان كان في بيني وبينا ود ومحبة سولفت معها عن بنتي وسبب مرضها ..
المهم الا شوي تفتح شنطتها وتطلع لي فلوس وتعطيني اياها .. قلت ليش هذه
قالت عشان تعبك فالبيت عندنا والاشياء الي سويتها وجبتيها
لان لمن كنت في بيت طليقي نص الاثاث انا الي جبته وركبت ورق جدران بنفسي وكنت احسب ان زواج العمر بس للاسف ولاشي بين معاهم ..
انا رفض اخذ منها الفلوس وحسيت باهانة انه حتى المعروف والعشرة لها عندهم مبلغ وقدره .. لزمت علي اني اخذها وانا اصريت على مرقفي وطلعت ولا اخذتها ..


سؤالي وش تفسرون هالموقف منها انا بجد هانت علي نفسي ماتوقعت انها ترصل بهم لدرجة يشترون تعبي ومعروفي معاهم بكم الف .. انقهرت مررررة


وادعوا لي يابنات ان ربي يعوضني عوض الصالحين