رايكم لمن يكون الرجل صغير و المرأه أكبر

السلام عليكم ..

شحالكم عساكم بخير؟؟؟

حبيت اطرح قضيه مرت علي وما اعرف شلون احلها ..

عندي اخوي .. راح مره فتره تدريب في شركه وكانت اللي اشرفت عليه امرأه بسن الثلاثين تقريبا ..

وكانت هذي الحرمه على قولة اخوي جدا محترمه وراقيه في تعاملها وتهتم بالمتدرب اللي هوو اخوي وتسال اذاا كان محتاج شي .. طبعا كل شي بمجال العمل وطبعاا ان كل المتدربين اللي يجون عندها تتعامل معاهم نفس الشي.. واخوي تقريبا عمره 24 ونص .. وانعجب

فيها اشد الاعجاب .. وصار كل ما يجي البيت يسولف عنها ..

والحين اخووي من فتره انتهى فتره التدريب وتوظف ... وعرفنا انوو على تواصل معاها .. يعني بالايميلات .. ما ادري اذاا كان يكلمها بالمبايل .. بس الاكيد انو عنده رقمها .. وهي عندها رقمه ..

عدت مرات اخووي يتكلم عنها ويمدحها ويبغينا نحن اهله و خواته .. نتعرف عليها .. ويبغيني انا اتواصل وياها واكلمها ونزورهم ويزورونا .. ومره قال لي مباشره .. بس انا على طول رديت وقلت .. لييش اكلمها وحده ما اعرفها ولا تعرفني ليش اتواصل وياها واكلمها ...

والحين صار يقول لاختي الاصغر انها تكلمها ..

ما ادري احس اخووي يحبها .. ومتعلق .. وانا فسرت هالشي لان اخوي شاااب وملتزم وما شاف بنات كثير ولمن شاف وحده محترمه تعلق فيها ..

السؤال الحين شلون اكلم اخووي في الموضوع هذاا .. مع ان هوو ما صار يكلمني عنها .. لاني ابديت رفضي بالتواصل معاها سابقا ..

وسؤالي كيف اقنع اخووي ان من الغلط يتواصل معاها ؟؟؟ وشوو سلبيات ان الشخص يقعد يتواصل مع شخص مب من محارمه؟؟؟ واذااا صار زواج شوو راح تكون سلبيات هالزواج ؟؟؟

مع ان ما اظن فيه شي كبير بينهم بس اخوي متعلق واتوقع ان هي عادي تخليه يتوااصل معاها ..

شوو رايكم ..

وتسلم اللي ترد علي .. وترفع موضوعي