رايكم مشكلتي مع خيانه زوجي

سلام عليكم ورحمة الله
الله يسعدكم بقلكم مشكلتي انا متزوجه ٦ سنين وساكنه فنفس بيت اهلي مستأجره عندهم تحت ومشكلتي مع جوزي تقريبا شهر ليا وانا حسيت انو له علاقه ويكلم وحده ومتاكده من الأمر اولها كان يخرج برا البيت بحجه انه يدخن وهوا اصلا مايدخن بس له فتره مره او مرتين في اليوم لكن شفته فيوم من الشباك جوا السياره وكأنه عنده جوال ثاني و يطول وهوا جالس جوه السياره وجواله الاصلي يكون جوه البيت هذا اللي شككني ولما سألته لمارجع حسيته ارتبك وقلي بشوف أوراق التذكره ارتبها ومدري ايش لانو كان بيسافر ثاني يوم وبعدها سار على دا الحال احيانا اكثر من مره يطلع برا للسياره و مره لاحظته يحوم جوه البيت يستنا اطلع لأهلي فوق يبا يصرفني باين من تصرفه و وجهه انو في وحده ويبا يكلم دحين ونا وقتها حسيت و ماتحملت طلعت فوق وعلى طول خرج برا وهوا قبلها بعشر دقايق خرج غير انه يقلي احيانا رايح مشوار لواحد عندي شغله ومو من عواده و اللي قاهرني اكثر الاحظ سارت فلوس ٥٠٠ مثلا تكون فمحفظته تنصرف فيوم مادري يصرفها ف ايش وهوا على قد حاله يدوب يكفينا اخر الشهر الراتب ومقصره على نفسي بأشياء نفسي اشتري جديد عشان أوفر فلوس وما اكون مسرفه فوق دا كله يتهمني اني ماعرف اسوي ميزانيه وجدول مصاريف وكلام فاضي انا بجدددد تعبت من التفكير والهم لدرجه قلت هوا معقوله اتجرأ ومتجوز مسيار ولا بس علاقه جوال!! قبل يومين فاض بيا وادري انه لازم اواجهه بدليل مادي قدام عينه بس مني قادره ومو عارفه كيف ونا ادري الجوال هوا الدليل الوحيد ولا ابا افتش وماعرف اصلا الرقم السري تبعه لكن واجهته انه في شي مو طبيعي وحاسه فيه قام انفعل وتنكر وعصب و يرمي كلام ويتهمني بقله الذوق وما اخاف الله اني افكر فيه كذا و فيلم سوا زي اللي يغسل مخي ويياني اصدقه ونا والله ي اخواتي مو مصدقته احسه كذااب ونا متيقنه انو مو شك و وهم لدرجه جاني حلم فمنامي اضياقت منه وتفسيره حصول خيانه وخداع و مشاكل 💔💔 فوضت أمري لله يريح بالي بس اخواتي نفسي القا دليل قوي وهل هذي الأمور وتصرفاته طبيعيه ايش الحل الله يسعدكم!