أنا لو مكانك اشيل الفكره من راسي الموضوع ماهب شهر او شهرين هاذي دراسه سنوات طويله كيف تتركين زوجك لحاله وتتركين أطفالك ،،، بصراحه انتبهي من هل النقطه ولاتخلين زوجك يتعود على عدم وجودك في حياته لفترات طويله . نصيحه ياتروحون سوا انتي وزوجك واطفالك او كملي دراستك داخل الوطن .وربي يوفقك

الله يجزاكم خير على تفاعلكم معي ويفرج همي وهمومكم
جهة عملي تلزمني بالبعثه والا احول الى عمل اداري وانا ماحبيت العمل الاداري
زوجي رافض فكرة اكمال الدراسه مع ان شهادته ثانوي لكن عنده قناعة انه ممكن اكل دراستي وارجع ومااحصل وظيفيه خاصة انها حاصله مع بعض الشباب من العايله وصار هالموضوع حجه لزوجي قدامي شوفي فلان معه شهاده وقعد بدون وظيفيه
وصار يقول روحي لايهمك انا اجيك كل سته شهور[ ؟؟؟؟؟
الجامعه اللي انا اشتغل فيها ضاغطين علي من ناحية الابتعاث وخاصه كم وحده من نفس القسم سافروا فاصبحت بنظرهم الاضعف ومره قالتلي وحده "ترى مو بس انتي اللي عندك عيال وزوج فلا تخلينهم حجتك" انا بحيررره حتى اكمال الدكتواره بالسعوديه صار فيه الف عقده التوفل وكفايات الللغه الانجليزيه والقدرات للجامعين وبرنامج الداكتواره عندنا بالسعوديه يفتح برنامج كامل على طالبه او طالبتين بالكثير وعدد المتقدمين كم ؟

اللهم دبرني فاني لا احسن التدبير

....

أختي دنو ..حبيبتي انتي الله يفرج همك ..

أعرف وحده حيل قريبه لي ..ومعيده بالجامعه ورشحوها للبعثه تطلع تكمل ماجستير ودكتوراه وتخصصها ممتاز
زوجها قال اطلع معاك عادي واخذ اجازه من دوامي وهو عسكري وعندهم بيبي صغير

سبحان الله استخارت كم مره وربي يسرها لها وقررت تجلس تكملها في الرياض الماجستير والدكتوراه ..وماشاءالله الله عوضها خير
الان هي في نهاية مرحلة الدكتوراه وعندها طفلين والله يوفقها يارب .

الله يفرج همك ..ترا الدراسه عندنا بالسعوديه حسب ماسمعت ..

الله يهديك
تبين تروحين بلا محرم

صح نسيت اقولك على نقطه مهمه ترا الملحقيه يتابعون اللي معهم محرم واللي مامعهم وبالنظام ممنوع يعني لو درو قطعو المكافئه عليك لين يرجع المحرم وصارت لوحده من زميلاتي ويبين عندهم بس يدخلون رقم هويه المحرم ويبين عندهم هو داخل السعوديه او لا ، صح احيانا تفوت عليهم بس ترا هاذا النظام .