رايكم يهمني ...... التعدد للحبيب ( الزوج )

سر عدم رضى الزوجة بالتعدد


الكاتبه/ البتول الحربي


بعد طول مكابرة وتفحيط ونضال وجدال حول رفض التعدد ووصفه بالخيانة لﻸولى .. وعدم حفاظ على مشاعرها وعمرها الذي قضته معه إلخ ...
حكمت عقلي وقلت :
يابنت مستحيل يبيح الله شيئ وفيه ذرة من الظلم ﻷن الله قال " إن الله ﻻيظلم مثقال ذرة " .


طيب وش هالعذاب النفسي اللي تحسه المرأة ﻻتزوج زوجها ؟!
هل الله ذكره في القرآن وأشار إليه ؟!
طيب حينما قال الله: " فانكحوا ماطاب لكم من النساء " تأملوا كلمة ماطاب لكم !!
فالنساء من الطيبات للرجال في الدنيا ومن ملذاتها لهم فشرع لهم التعدد ، وأن يختاروا الزوجة التي يطيب خاطرهم بها مثى وثﻼث ورباع وشرط العدل ،وعدم ترك الأولى معلقة .


هنا مقياس العدل الرباني الله أكبر !
فوصى عليها " فﻼ تميلوا كل الميل " فيه ميل نعم والمقصود به المحبة القلبية فلا تظهرها ولا تجعلها توثر على علاقتك مع الاخري لكن اعدلوا ولا تميلوا كثيرا حتى ﻻتظلموا ... إنتهى


هنا تحقق عدل الله وعدم ظلمكن أيها النساء ، أجل ايش سر الغبن والقهر اللي يصيبكن عند زواج أزواجكن ؟؟ !!
، بما أن الله اباح التعدد وقال:" ماطاب لكم "
رحتي قلت الغيرة !
طيب انا شايفة حتى اللي ماتحب زوجها وتلعن جدفه وتدعي عليه وتنكد عليه يوميا تغار وتموت لو يتزوج !!
معقوول؟!
امممم اللي اعرفه إن الغيرة من الحب صح وإلا لا؟
إذا هاتي مبرر غير الغيرة ياحرمة.
ماعندها طبعا !
طيب غريبة دام التعدد يقهرك ويموتك ليه تباركينه لأخوك أو لأبنك وتروحي زواجاتهم وتبرري له ؟!


ﻻحظي تراها حرمة مثلك وتغار!!
المهم مانشوف القهر على وجهك بل البسمة تشقق وجهك فرحا لهم إذا لأنك عارفة إن المرأة مصدر سعادة له ،وراح تغير حياته إلى الأفضل ليه ماتحبي هالشيئ لزوجك ؟؟!! دامك تحبينه تمني له الخير والرفل في النعمة كما تحبينها لأخوك وأبنك ...


وتدعي لهم بالسعادة الحب الحقيقي تمتي السعادة للطرف اﻻخر وتحقيق أمنياته صح؟ الغيرة تنتج من حب التملك والحسد .. والحسد ياسادة هو السائد بيننا نحن معاشر النساء ......... نعم إننا نحسدكم على حرية التعدد والخروج من ملل حياة إلى تجديد حياة .. وتلتهب قلوبنا أن نراكم سعداء مع غيرنا ونتمنى لكم ولها الموت !! .. الحسد وما أدراكم مالحسد !
قبل البارحة ذكرت لأبنة عمي هذا الكﻼم وقالت: والله لا أحب زوجي ولا علي منه وأحب اهلي أكثر منه لكن حسدا مني ما أخليه يتزوج لو يمووت ، حلوووة يتهنا وينسعد ويعيش من جديد وأنا كرفوسة كبرت ولا عاد يمديني إنتهى


وقالتها أخرى وأخرى .. ﻻنحبهم ولكن نحسدهم نموت قهر لو نشوفهم يضحكون ويتغيرون مع غيرنا .. طيب اللي تحب زوجها تحب تشوفه سعيد ومبسوط وإلا الحب ايش؟
غيرة .. حب تملك .. تبغينه وحدك .. وماله لك وحدك .. والعيال منك وحدك .. ولا يروح إلا معك .. ولا يجلس إلا معك .. هذا ليس إنصاف لمن حلل الله له الأربع .


المؤمنات والصالحات تبارك لزوجها زواجه حتى ولو قلبها يشتعل غيرة وحسدا تتغلب على قرينها وحسدها بذكر الله والجنة ، فالمؤمن ﻻيحسد ويرضى بما قسم الله له .. أجل عاجبكن الوضع الحالي ؟!
خيانات ،وسقوط مع الخادمات ، وسفر للخارج ، وزواج مسيار بالدس ، وحرمان عاطفة خلف الشاشات !!


ايش فيكن انتن ؟؟ ومكوشه على الرجال وحدك وهو مقتدر ماليا وصحيا .. ليه تحسدينه وتحسدين امرأة غيرك تعيش معه ؟ تعوذي من ابليس وترى ربي ماظلمك لكن تخلصي من حسدك وحب التملك عندك وتصيري مؤمنة حقا ...........


فوالله لو اعطاك الله حرية التغيير والتعدد لفعلتي أكثر مما يفعل زوجك .. وقلت حﻼلي وحقي .