رايكم يهم صديقتي في تحديد مصير حياتها لا تفشلوني..

السلام عليكم ورحمة الله وبركاته

كيفكم حبيباتي

اليوم انا وخويتي جايين نبي منكم نصيحة من قلوبكم الصادقه ورجاءا لا تخيبونا الله يوفقكم يابنات..

الله يسلمكم خويتي هاذي بصراحة من يوم انتهينا من الدراسه افترقنا ..استغربت اتصالها قبل كم يوم وكانت مره محتاره وتبي راي في موضوع مصيري فأنا نصحتها وقلت لها نعمل استفتاء :42: ونشوف حبيباتي بنات حواء وش يقولو علشان نعرف نظرة المجتمع ..

المهم الموضوع ومافيه انه البنت متقدم لها شاب الصراحة زينة الشباب وكل شيء فيه مرتاحه منه وتبيه بس في مشكله عويصه اشوي وهو الفرق بالعمر هي اكبر منه بـ4 سنوات..

والصراحة تقولي من كل اللي تقدمو لها اول مره تلاقي انسان فعلا مرتاحه منه وتبيه بس البنت خايفه من نظره المجتمع ومن انتقادات اهله وانه مثلا بعد ما يتزوجوو بسنين يلتفت لهالنقطه ويروح يدور غيرها تقولي من حقه يبني حياته مع بنت صغيره من عمره ويمكن مو من حقي انا اكون له واخذه من بنت بعمره .

الولد الصراحة سألنا عنه محترم وخلوق وعاقل وشخصيته قويه ودارس وعمله ممتاز وشايف البنت وهو مختارها وشاريها وقال لاهلها انه ابدا ابدا ما يفرق عنده موضوع العمر لانه يبي بنت فاهمه وعاقله وفوق كل هذا يقول هي البنت الوحيده اللي دخلت قلبه بصدق .. ويقول انه الناس ما يهمونه وانه العلاقه الزوجيه اللي يبي يبنيها اكبر الف مره من عمر ومايبي يخسرها علشان هالنقطه.

طبعا البنت مستحيل حد يشوفها يعطيها عمرها مره كتكوته ورشيقه ومايبين عليها عمرها ابد ..

بس هي تقولي انا عندي مبدأ مستحيل اتزوج اصغر مني وياما اتريقت على البنات اللي يتزوجو اصغر منهم سبحان الله كأنه الله يبي يرويني واذا بغير مبدأي بس علشان هالشخص لكنها جد محتاره وخايفه من المستقبل ..


ابي رايكم بنات وبصدق تتوكل على الله دامه واهله يبونها وهي تبيه والا ترفضه وتنتظر غيره علشان المجتمع ونظرته وعلشان خوفها ..عاد تعرفون الهبله خويتي خايفه من نقطه تقول مره وحده فلبينيه قرت لها الكف وقالت لها انتي بتتزوجين واحد بكون دايم بعيد عنك وبعدين بيتركك علشان وحده اصغر منك وكانت بالصدفه في ذيك الفتره بتنخطب و فعلا الولد تركهاا وتزوج وحده صغيره.:(