رايكم 3

شلونكم بنات مادري اذا في وحدة متابعة معاناتي وحياتي الكئيبة مع زوجي او لا بس باختصار حياتي معاه كله مشاكل واهوا حييييل مقصر معاي صارلنا فوق 3 اشهر مايكلمني ودايما جذي معاي اذا صارت بينا مشكلة مايكلمني اشهر ويهملني وصارت مشاكل واايد تدخلو الاهل فيها واخر فترة اعترف لي انه يضيف بنات واكتشفت انه يمارس العادة السرية وطبعا صارلي اكثر من 4 اشهر مايقرب مني هذا غير انه مايصرف علي من بداية حياتي معاه المهم بعد الاستخارة قررت انفصل عنه وكلمت اهلي واهما يعرفون طبايعه ووافقوني الراي واخوي دق عليه وكلمه وقاله اني ما ابيه واني خلاص تعبت من معاملته معاي وانا عندي اسبابي المقنعة وطبعا اهوا يلف ويدور نفس كل مرة واخوي قاله فكر بالموضوع ورد لي خبر وانا توقعت يومين بالكثير ويرد على اخوي والله يا بنات عقب المكالمة بينهم ماتحسف ولاتغير معاي هذا اهوا دايما مطنشني وهاملني ولاكلمني ولاكلمة حتى اهلي مستغربين منه وقاعد يحاول يتحاشا يشوفني يعني كله قاعد بالدار اذا انا كنت بالصالة او العكس والله تعبت يا بنات ويمكن مايرد على اخوي واقعد كل يوم جذي على اعصابي شنو الحل بنات والله مو طايقته خلاص فكرت اروح مع عيالي بيت اهلي بس اخاف انحرم من النفقة او شي فقلت اقعد بشقتي لي يطلقني واطلع ......

السلام علـيــــــــــــــــــــــــــــــــكم
بنات الموضوع اللي كاتبته فوق هذا كان آخر تصرف من زوجي وفي بعض الردود ايدت الطلاق والبعض لا
المهم يا بنات اخوي رجع كلمه وقاله اني طالبة الطلاق واخذ وقت وردلي خبر واهوا طبعا ماكلم اخوي وسحب عليه
ولما اخوي كلمه قال ماعندي مشكلة نروح لمحامي واللي انا ابيه راح يسويه وانا بصراحة مو فاهمة شنو قصده بهالكلمة هل معناتها بيطلقني ولا عندي شروط بيستجيب لها وتخيلو يا بنات انا ماطلعت من شقتي والهم كل يوم ياكلني وكرهته وماشوفه واهوا حتى ماحاول يكلمني او يتفاهم معاي او يقولي ليش تبين الطلاق او عالاقل يحسسني بقيميتي .
اهمال مو طبيعي
ولاشي ولاكلمة منه ونفس تصرفاته وحقرانه معاي تعبت واللله واستخرت ربي بالطلاق واخوي قالي فكري بس مو قادرة اتحمل تصرفاته وخصوصا انه مافي اي بوادر انه يتغير معاي ومستمر بالعناد وكأننا في حرب
ابي رايكم بنات