راي في بعض العضوات//يمنع اضافة اكثر من موضوع في اليوم

السلام عليكم ورحمه الله وبركاته
كيف صباحكم ومساكم والليل والنهار>>ألموووووهيم
ويش اخباركم يالربع؟؟
ان شاء الله بخيييير>>شكلك رايقه
لا والله مو رايقه>>تكلم روحك هع هع
لا جد انا راااااح اتكلم وبكل صراحه>>وكما عودتكم دمعه المشتاق بمواضيعها المثيرة هع>>يمدحون الثقه
يالربع انا صراحه في شئ في خااااطري من زمااااااااااااااااااااااان كان ودي اني اكتبه
لكن كنت متردد واقول مالي دخل والموضوع مايستحق
لكن لا خلااااص وصلت عندي وصراحه ماعاد شيئا يهمني ابدااا>>بايعتها الاخت
يابنااااات راااح اكتب لكل الحين رايي في كل عضوة بالفراشه
واللي بتزعل تجي عندي واتفاهم معها بالموضوع
اولا شئ:
البنااااات اللي يكتبون الله لايحلل ولا يبيح اللي ماترد
ليه هو على كيف اهلك لا والله مااااراح ارد وجعلك ماحللتيني لادنيا ولا اخره
ياحبيبتي انا مو ملزومه اني ارد على شئ انتي تكتبينه انا حرة نفسي وماجبته امه اللي يجبرني على شئ انا مابقاه
انا موقصدي اني اتهجم عليك لاوالله بس خاااطري تعرفين قبح العمل اللي انتي تسوينه
حابه اقول لكل العضوات اللي تدخل بمووضوع فيه مثل هالاجبااار لاترد ولا تخاف ابداا
انتي مو مجبورة على شئ
انتي لما تكتبين تكتبين من كيفك ماحد يجبرك
وخل وحدة من هاللي تكتب هالموضيع اللي ترفع الضغط تجيب لك دليل شرعي من القران او السنه يقولك ان رب العبااد راح يحاسبك اذا مارديتي على موضوعها
واذا جابت الدليل على العين وعلى الراس
ولا واللي يقهر بعد ان ياليت الموضوع يستحق تلقينها تافه وماله اييي هدف
وحبيت اقول للي تحلفنا وتجبرنا على شئ مانبقاه ان اذا قالت امانه تردين
اقولك ياحبيبتي الحلف بالامانه مايجوز لاقول النبي صلى الله عليه وسلم بمعنى الحديث الحلف بالامانه شرك
واذا كنتي عاقله راااااااااااااااح تفهمين
ياقلبي انا مابقى اقسي عليك ولا ابقى اضرك بس والله من جد شئ يقهر ويبط الكبد..

ثاني شئ..
وهذا اللي يولع في قلبي نااااااااااااااااااااااااااااار
والله ثم والله ثم والله اني ماسكت للي تكتبه او تنقلها
لاالعب في حسبتها لعب ولو طردوني من المنتدى المهم اني ابرد كبدي فيها
الا وهي البنت اللي تسب رجااااااااااااال الدين سواء الهيئه او المشايخ او العلماء
بطريق مباشر او غير مباشر
اقول انتي هييييييييييييييييييييييي
حطيني على بالك عدل وسمعي>>او اقري
رجااال الدين والهئيه هي تااااج على الروؤس لهم منا كل احتراااام وتقدير واخلاص
عجبك هالشئ اهلا وسهلا
ماعجبك هالشئ تسكتين وتكفين شرك
انا مستغربه هالاياااااام كلن يسب وينهش بالهئيه من صوب..
اصدق كل ذا كره لهم..
والله لولا الله ثم الهيئه كاااان ماصارت السعوديه هي الدوله الوحيدة اللي يوجد فيها الامان بشكل كبير وبشهادة الامم كلها
بالله عليك انتي يللي تنقدين الهيئه وتنشرين عنهم الكلام اللي مهو طيب وتغلطين عليهم ولا فوق ذا كله تتحسبين عليهم ليه تكرهينهم
والله انهم يبقون الستر والعفاف والشئ الزين لكم
لكن انتم ماتفهمون الا اذا فقدتوا الشئ
وبعدين يمكن انا اوفق بعض اللي ينقدون الهيئه بشئ
يمكن رجل من الهيئه يغلط ويخطئ>>طبعااا مافي احد ينكر هالشئ الرسول صلوات ربي وسلامه عليه يغلط فكيف رجل الهيئه؟؟
طيب هالرجل اللي من الهيئه غلط
اذا كنتي بتنقدين ويش تقولين
قولي واحد من الهيئه غلط المفروض مايسوي كيذا وكيذا
مو تقولين الهئيه كلها غلطت وتسبين فيهم وتغلطين عليهم وتلعنين امن جابتهم وكل ذا لان واحد منهم غلط
مايصلح كيذا نحمل الكل غلط واحد منهم
عقلي وفكري
لو نفترض انك في فصل في المدرسه وطالبه مشاغبه من هالطالبات رمت على المعلمه وهي تكتب على السبورة قلم وجرح رااااس الاستاذة وطلعت بسرعه من الفصل وبعدها تجي الاداريه وتعاقب الفصل كلها وتتكلم عنه في الاذاعه انه فصل قليل الادب وكل اللي فيه مو متربيات
با لله عليك شنو شعورك؟؟
مو قهر؟؟
طيب انتي والبنات ويش ذنبكم...
ليه تتعاقبون على شئ ماسووته...
نفس الحال مع الهيئه ليه نظلم الهيئه كلها المفروض نقول واحد منهم وهو اللي يتعاقب على خطااااه
وبعدين اعطيكم اياااه كااااااااااااااااااااش وبالخط العريض
اللي يكره الهيئه واقسم بالله انه ورااه شئ فيه شئ مستحييييييييييل يكرهم لسبب انهم والله مره عاملوه غلط او قسو عليه او ماحترموه او اساوو له اوكيه يمكن كيذا ياخذ بخاطره عليهم بس مو يكرهم
وكل مااحد سب الهيئه جاء يسب معهم
لااااااا اصلا في نااااس تكره الهيئه لاسبااااب
يمكن ماتقدر تاااخذ راحتها مع خويها فالهيئه تكدر عليها
يمكن ماتقدر ترقم الشباب وتقزهم فالهيئه منقصه لهم
يمكن لان الهئيه ماتخليها تلبس عبايه شفافه وغطاء فاضح علشان كيذا تكرهمم
ويمكن ويمكن ويمكن..
ويمكن هي تكره الهيئه لاسباب دينيه
لاتقولون اني قذفت احد
لاااا انا ما غلطت على احد والله
لكن هذااا الواقع
عمرك شفتي دااااشااار او راعي صياعه يحب اهل الخير يتمنى قربهم لاااا>>يمكن فيه حالات استثانيه
لاااا اكيد مايحب اهل الخير او اهل الهيئه تدرون ليه؟؟
لان مايمشي اللي في مزاااااجه ولا يخليه يضيع بناااات الناس على كيفه
والله ان الهيئه تحبكم وتخااف عليكم وتعتبركم جزء منها
لكن بعض ماهو كفوا وقسما بالله
بكره الوحدة فيكم لاضاعت وضااع شرفها عرفت قدر الهيئه وخوف وحرص الهئيه عليها
لكن اللي جااااااك هذا قدرك قدر الزباله يوم انك مارضيت تنصاعين للحق
فبالله عليك مين راااح يهتم فيك او يعبرك عقب ماضااع منك اعز ماتملكينه
عرفتي الحين قدر الهيئه وليه هي تهتم فيك لانها ماتبقاااك توصلين لمرحله ان الكل ينظر لك انك زباله
الكل يظلمك ويستحقرك ويقلل من شانك مين راااح ينظر لك اصلا...
الهيئه اللي كانت تخااف عليك وتكرهينها اجل اللي يكرهك شنو ردك له تحبينه؟؟ كل شئ جايز
اوووووووووووووووووووه منكم بس
بنااااااااااااات الحلوين
اذا لقيتوا موضوع تسب فيه الهيئه او احد يغلط عليهم نخيتكم يالربع ارسلوا لي على الخاص وخبروني علشان انسي صاحبه الموضوع حليب امها اذا كانت غلطانه هع هع

الحين ننتقل ثالث شئ::
لما تجيك بنت تضع موضوع وتقول فيه ونااسه دخلوااا لايفوتكم ومادري شنو وتحمس الاخت واللي مايدخل يندم>>اصلا اللي بتدخل بترحم حال اللي حاطه الموضوع علشان ماتتحطم هع هع
ولما ندخل تعالي شوفي المصيبه
يمه يمه يمه يمه منهم اللي كيذا
شوفي موضوعها
تقولك الاخت
اقري هالجمله ولا حاولي تدقيين في الصورة ولاااا فكري في هالشئ ذا شنو
وانتي متحمسه معها وعلى الخط سيده الا فجااءة لما تنزلين تحت تقول لك
اكتشفت انك غبيه ولا انك بقرة ولا انتي ثورة ولا حمااارة
ياخي شنو ذااااا
احترمي نفسك لانتي ولا عشرة من امثالك يقولون لي كيذا
حتى لو كاااان مزح ورب السماء والارض اني ماقبلها لانفسي
ربي يكرمني ويخلقني انسانه وتجي وحدة مثلك تقل ادبها علي
قلنا مزحوا لكن باسلوب باحترااااام مو بقلت ادب وكلام مهو طيب
>>قلت لكم من البدايه انه وجهة نظر وبجراءة بعد..
وحبيت اقول لصاحبه هالمواضيع اذا كان هذي مواضيعك وهذا مستواااااك رجاء كتبي في عنوان موضوعك اللي عندها عزة نفس لاتدخل علشان ماحد يتهجم عليك واللي تتقبل مثل هالمواضيع تدخل لمووضوعك
صحيح يمكن كلامي قوووووي بالنسبه للي يكتبون هالموضيع لكن والله يقهروني
نفس مرة كنت زهقانه وجلست اتصفح في المنتدى
لقيت موضوع ماحد رد عليه قلت خل ادخل واشوف
لما دخلت لقيت اهانه عيني عينك ومكتوبه بالخط الصريح انتي حمارة مادري غبيه
طبعاا هي لعبه جمله تقرينها ثم تكتشفين شئ ولما قريتها اكتشفت اني حماارة
يخسى من يقول عني حمااارة والله انه مايوصل مقامي حتى
تسنعي ثم حطي مواضيعك وايي بنت عندها عزة نفس مااراح تتقبل هالشئ حتى لو انها مزح

رابع وحدة
البنت اللي تتنرفز وتعصب وتقول ليه ماتردون على موضيعي انا اقول البعض مو الكل يعني
اقول لك شفتي موضيعك اول شئ؟؟
انتي شكلك من البنات اللي يستخدمون السب والشتم للبنات عن طريق المزح
والله مارد عليك لو تفحطين
شنو ارد عليك وابرد كبدك وانا جالسه احترق
وبعدين يمكن انتي موضوعاتك تافه وماينقلها الا كل واااااحد وراءها بلاء
يعني نفس بعض المواضيع والله انها تفسد ماتصلح
لو تنشرون اسماء فنانات ومغنيات قلنا اوكيه مع اني ارفض هالفكرة لكن هذا مو منتدى ابو اللي خلفني هع هع هع هع
بس لو انك تكتبين شئ يسبب في انحراف البنت بالله عليك شنو بتجنين؟؟؟
لانتي كسبتي اجر ولا انتي كفيتي شرك عن بنات الناس..
اتمنى ان كل وحدة تنتبه لموضوعها قبل نقلها او كتباته..

خامس شئ:
البنت اللي اسلوبها جااااااااف مرة وصراحه والله اقولها ولا ني مستحيه منها
مرة في بنت نزلت موضوع وقهرني فعلا بس مارديت عليها لان مو من مستواااي اصلا مثل هالمواضيع التافه
المووووووهيم
انها كان اسلوبها جاف مره وفيه تجريييييييييييح صريح والله
لما ردت عليها بنت وقالت لها عدلي اسلوبك اسلوبك مو حلو
ايش ردت عليها صاحبه الموضوع
قالت كيذا
والله انتي اللي عدلي اسلوبك الحمدلله والشكر ناس متخلفه ماعندهم اسلوب في الكلام احترمي نفسك انا عندي اسلوب ومالت عليك ولاتدخلين موضوعي انا ماطلبت منك انك تدخلينه ليه في احد ضربك على يدك وقال لك دخلي والله انتي دخلتي من نفسك
وانا اسلوبي حلو روعه ومافيه شئ صراحه انتي اللي ماعندك اسلوب
انا جلست اقرا
وميته ضحك اقول شوفوا مين يعلم مين الاسلوب
صاحبه الموضوع كلت البنت بقشورها وغلطت عليها بس لانها طلبت منها تعدل من اسلوبها
تهجمت عليها وغلطت
بنااات لازم الوحدة تنظر لاسلوبها في الكتابه
لاتقولون لي هذا انتي اسلوبك هينا
لا يا حبيايبي انا ذا ابدا والله مو اسلوبي وكل اللي يعرف دمعه المشتاق يعرف ان مو ذا اسلوبها في الكلام
لكن هالدمعه المشتاق انبطت وانقهرت وهذا هي انفجرت من قلب
وقلت لكم من بدايه الموضوع اني رااااح اكتب كل شئ بصراااااحه

يابناااااات ياحبيباي ياجعل ربي يحفظكم ويخليكم ويسعدكم ويحقق كل اللي في بالكم
تكفون ياقلبي انتي وياها
كل وحدة فيكم قبل لاتنزل موضوع او ترد على مووووضوع تنظر لنفسها
هل هي اهل انها ترد عليه او انه ما يليق بمستواها او او او او او او
واتمنى انكم بعد البنت اللي تهدد وتتوعد الا تردون على موضوعها لاتردون اقروه اوكيه علشان يزيد عدد القرا لكن لاتردون
علشان تعرف ويش كثر اللي يقرون لكن مايتنزلون يردون اوكيه هع هع
وايي بنت تغلط على دينكم ورجال العلم والعلماء والمشايخ لاتخلونها صيروا عظم في بلعومها لاتسكتون
لعبوا في حسبتها لعب وعلموها قدر نفسها
هههههههههههههههههههههههههههههههههههههههههههههههههه ههههههه
لما رقيت قوف عرفت اني طولت والله ماحسيت بس والله احس ان الكلام طالع من قلب
ادري ان منكم راااح يصير ضدي
وان بعضكم بيصير معي
لكني انا مو من اللي تعصب وتثور اذا احد صار ضدها عجيب يعني اما تصيرين معي ولا انتي غلطانه
مادري في بعضهم كيذا وكثير بعد

العذر ان كنت كدرتكم لكن كلمه الحق تنقااال
وانا صراحه مايهمني احد دامي اظهرت وجهة نظري
سلام يالربع
اعجبني ونقلته لكم