راي ولدي وحال العائلة ونفسيتي الي تغيرت

السلام عليكم
انا عندي مشكلة كبيرة كانت عادية بس كبرت بعد ما تخرج ولدي مع ان خالاتي وبناتي الثنتين يقولون ارتحتو منه فكة بس انا اقول يا ليت الزمن يعود حتى اصحح الاخطاء
المهم ولدي هذا هو آخر العنقود هو رافض فكرة الخدم في بيتنا ويقول لي ما تعرفين تهتمين بزوجك (الي هو ابوه طبعا) بنفسك لازم واحدة تهتم فيه وتطبخ له وتغسل ملابسه وتسوي له كل شي انت ايش حضرتك ويقول لي لو فيك خير ادبت بناتك المهملات الوحدة منهم ما تعرف تسوي شاي ويقول ما تغارين على زوجك من الخدم وشوفي السوريات الوحدة منهم تتزوج وعمرها ١٥ وتكون ربة بيت وفاهمة ومرتبة مو انت وبناتك وخالاتك كلكم نفس الطينة
طبعا انا كنت اضربه احيانا واعصب عليه من ذا الكلام المهم تزوج اخوه الكبير وسكن معنا وصار يطنشنا وما يقعد معنا قلت لابوه يكلمه ويوم كلمه قال اصلا بيتنا كله اجنبيات كله خدم ومرة اخوي والواحد مب ماخذ راحته وانت السبب في كل شي لو انت صارم مع بناتك وزوجتك ما صار كل ذا الفوضى عاد ابوه قال لي كلامه وانا شفت التغير في ابوه وبعدين دخل الجامعة وصرنا ما نشوفه الا نادر لانه في جامعة البترول فيروح للظهران وساكن في سكن الجامعة ومرة جانا وقال يا انا في البيت يا الخدم ومرة اخوي ردت عليه اخته قالت اطلع احنا الميتين عليك نبي الفكة اصلا
وقال لها خلك ذاكرتها ذي الكلمة لين تموتين وهو توظف السنة الماضية ومنها ما شفناه خير شر واخباره انقطعت عنا بتاتا من كلمة اخته ليومنا ذا
وانا اصلا نفسيتي تغيرت مو مثل اول وابوه بعد تغير وحاس انه السبب في تشتت العائلة انا شسوي الحين اصلا شبه يائسة حياتي تغيرت ١٨٠ درجة