ربات البيوت إلي أنجبوا من قبل ممكن مساعده

ألف مبرووووك الله يتمملك على خير

بالنسبة للكوي ملابس زوجك الثياب والغتر وديها المغسلة كوي بس
والداخلي لو عندك نشافة طلعيها على طول وهي حارة وطبقيها ما يحتاج كوي ولو ما عندك اشتري وأحسن ماركة واير بول


والغسالة جيبي فل أوتوماتيك هي تغسل وتعصر ونفس الماركة السابقة ممتازة

الطبخ لو تقدري اطبخي بس يعني دلعي نفسك شوية وجيبو أحيانا من برررة

الشاي بالحليب مدري عنه بس اعتقد لما يبدأ الوحم حتكرههيه لأني كنت زيك بس قهوة

وفيتي وكفيتي ،،
الله يعطيك العافية..

مبروك عل حمل والله يتمملك على خير

بالنسبه لشغل البيت اشتغلي بس لاتجهدين نفسك بزياده

مثلا الكوي اكوي المهم فقط وانتي جالسه
وغسيل المواعين .. لاتكثرين مواعين اشتري مواعين ورق زي المطاعم عشان ماتضطرين تغسلينهم.. ترمينهم على طول بعد الاستعمال
وخلي زوجك شوي يساعدك بالشغل دلعي نفسك

وبالنسبه للشاي انا زيك مدمنه شاي .. اول حمل لي ماقدرت امنعه بس صرت اشربه كل يومين

وفي حملي هذا اول الشهور كرهته وتوحمت عليه .. بس الحين انا في الشهر الاخير للحمل صرت اشربه والدكتوره قالت لي مايضر اذا كوب واحد يوميا


اهم شي داومي على الكالسيوم والحديد اللي بيعطونك المستشفى تراه مهم للغايه...

افتكرت
فكرة الصحون الورق حلوة الله يجزاها خير لمحة امل
وكمان ممكن تشتري غسالة صحون >>>>زوجك لو يعرف بيتي حيقتلني
بس برضه فكرة صحون الورق اسهل لان حتى الغسالة الا فيها وقفة على المجلى

هلا أختي

مبروك الحمل

وأنا زيك..في حملي الأول..وهاذا حملي الثاني بإذن الله ونفس الحالة لوحدي..

الله معانا أحسن من أي أحد

أهم شي الترتيب..يعني خلاص حطي يومين للغسيل ويومين للكوي..

وملابس زوجك غسليهم فقط..وطبقيهم وعلى المكوجي..وهوا يكويها..

وإنت ملابسك الداخلية وبجايمك من النشافة طبقيهم بسرعة ورصيهم في الدولاب

والباقي وقت الطلعة أكويه..

والأكل..أطبخي مثلا مرتين في الإسبوع فقط..والمرة اللي تطبخي فيها سوي مقدار ليومين..يصي خلاص 4 ايام عندكم أكل بإذن الله

بقي 3 أيام..يوم من برا..والباقي خفايف..يعني يا بيض..يا فول..يا جبن..وكله خير وبركة

الشاي ما يضر لو كوب في اليوم..

أهم شي تاخدي الفوليك أسيد..والحديد لسه بدري من الآن..

وبقية شغل البيت..قسميه..مثلا مو كل الحمامات تنغسل في نفس اليوم..حمامك مثلا مرتين في الإسبوع يكفي..ويوميا بس غيري الزبالة الله يكرمك..

وغرفتك أول ما تصحي سوي السرير..وخلاص..وإذا عندك سيراميك..مرة في الإسبوع امسحي الأرض..

يعني مو تراكمي الشغل وتقولي بإذن الله اليوم الفلاني حأسوي كل شي..من تنظيف حمامات لمسح الأرض لتمسيح الدواليب..لين ما تتعبي لا قدر الله

وربي يساعدك ويعينك..ولا تنسي ترديد سبحان الله والحمدلله ولاإله إلا الله والله أكبر