ربة بيت و حفظ قرآن ... كيف يا بنات ..

طيب احس عادي سهله
الغداء حاولي تقدمينه شوي 2 ونص واذا ما تقدرين خلاص قبل الغدا غسلي المواعين وتحممي انتي وبناتك وطبعا غديهم بدري والبسوا
ويصير بس لما يجي زوجك تحطين الغدا وتتغدون ومايبقى الا الصحون اللي اكلتوا فيها اغسليها بسرعه
انا كذا اصلح لاني اروح العصر للمعهد

ماشاء الله تبارك الله الله يوفقك لكل خير ازيد على كلامك الاخت الفدائيه
بعض النصائح والتوجيهات
اللي شفتها من حماتي لانها ماشاء الله عليها عندها عيال وتروح التحفيظ
الان دوام التحفيظ الساعه 4 يعني يمديك على غدا زوجك
اهم شي اذا قمتي
1-الصبح وسويت فطور لبناتك لاتراكمين شي غسلي الاواني اول باول وغسلي دورات المياه ورتبي غرفة نومك اللي بينام فيها زوجك لما يجي من الدوام رتبي غرفتك بناتك الغسيل حطيه بالسله والكوي
2-رتبي البيت مسحي وكنسي وابدي بتجهيز الغداء
وكل مااستخدمتي شي غسليه على طول بعد ماتغدينهم على طول روحي على المطبخ خلصي شغلك ومواعينك خلي مثل الفرن والارضيات بعد ماترجعين صلي العصر لبسي بناتك والبسي وروحي وبترجعين اذا كنتي قريبه على الساعه6 حطي القهوه على النار وارجعي سوي الشغل اللي باقي
وخصصي لك يوم الاربعاء بالعصر غسيل وكوي وترتيب للبيت من مجامعيه
لانه بيكون عطله عندك
وعلى فكره حماتي والله تقولي انه فيه حريم عندهم مواليد وعيال يدرسون وجاين التحفيظ مع عيالهم والله يوفقك

يآآحبيبتي المرز اللي عندنا 5 إلا ربع

يعني قولي مثلا من 3 ونص

أو اربع ونص يكفيك الوقت إن شآآء الله

أو حآآولي تقتصدين في الصحوون

أو أستعملي صحوون بسآآستك من بو خمسة أو بريالين


أو خليهم إلى ماترجعين


قدآآمك مائة حل اتشيلين هم ادعي الله

يساعدك وتأكدي لأن بحفظك للقرآن

الله يبآآرك لك بكل شيء موفقه

الله يوفقك وييسر لك امرك
والله يااختي افضل شي ماتراكمين عليك الشغل يعني نظفي اول باول
يارب عيننا على حفظ القران

ربي يجزاكم بالجنة .. والله يوفقكم ويجعله في ميزان حسناتكم...

مشكلتي انا حريصة على النظافة لدرجة الوسوسة .. كل شي ارتبه عشان كذا نفستي تعبت من التنظيف ..

وان شالله احاول اطلع بكرة التحفيظ استفسر منهم ...

هذا انا ادعي لكم وقت اذان المغرب اسأل الله الاجابة..


بالتوفيق