ربط الرحم؟؟

السلام عليكم ياأخوات..

بدخل علطول بالموضوع
أنا حامل ببداية الخامس وهذا أول حمل لي ومن اسبوع كشفت عند الدكتورة وتقول سليم الحمد لله..
وقالت لي راح أكتب لك اقراص عشان لو حسيتِ بتقلصات أو دفع من تحت تآخذينها لأن هالحبوب تبطل التقلصات ولو مافادت تجينا بالطوارئ.. ومدري وش قصدها بالتقلصات ماعرفت تشرح لي!! قلت لها زي الام الدورة؟؟ قال: لأ هي تقلصات واحساس بدفع وثقل من تحت!!
المهم طلبت منها إجازة ومع الكلام طلعت ونسيت الورقة عندها ومعد قدرت ارجع لها كان زحمة.. ومن بكرة جيت عند اهلي وزوجي سافر..
طلبي منكم ياوجيه الخير:
ليش بتصرف لي هالعلاج؟ تتوقعون إنها شايفة شئ وماحبت تخوفني؟؟ واللي تعرف اسم العلاج تقولي.. أنا أتذكر فيه كلابس او كلاسب!! الظاهر فيه كاف وسين!!
وش علامات انفتاح الرحم؟ أقصد اللي تحتاج لربط الرحم وش تحس به قبل؟ لأني أمس واليوم أحس بنغزات أسفل البطن عند ربطة الكلوت وتحت شوي!! ومدري وش هالاوجاع هل هو التهاب بول او الرحم مفتوح الله يستر؟؟


الله يوفقك اللي ترد علي ويسخر لها زوجها ويصلح ذريتها..