بنات اليوم انا قريت عن موضوع ربط الفكين ورحت ابحث عنه لقيت فيه معلومات مشوقة حبيت انقلها لكم
انا ادري ان كلللكم لااااااااااعت جبدكم من السمنه
وتمللتوا من ان تسون رجيم وما تخلصونه او تنوون تسونه وتاجلونه ..
وصرتوا مستعدين ان تسوون اي شي بس عشان تنزلون الكيلوات الزايده اللي عندكم ..
المشكلــه ان كل وحده فيكم تقدر تنزل وزنها
وكللللللللل وحده عارفه شلون تنزله لكــن
الاراااااااااااده هي المشكلة
يعني احنا نعرف ان اذا نبي نضعف لازم نسكر حلجنا ونسوي رياضه
لكن من الشطووووورة اللي تقدر تسكر حلجها وتلتزم بالرياااضه
فشنو الحل الحين ؟؟
نجبر روووحنا ان احنا ما ناكل طبعااا
شلوون ؟؟
عن طريق ربط الفكين
بس في اشياء لازم تعرفوونها وتعرففها اي وحده قبل لا تسوي ربط حق فكينها
اولا: ربط الفكين اجراء علاجي يسووونه حق اللي محتاجين تقوويم اسنان
والظاهر اللي نشر هلفكرة واحد مسوي تقويم ويوم رببطوا له فكينه ماقدر ياكل واعتمد على السوائل ونزل وزنه
بس ربط الفكين اجراء علاجي يستخدمونه الدكاتره حق مثلا اذا في كسر في احد الفكين بهدف تثبيت الفك المكسوور بالفك السليم ويمنعونه من الحركه فتره ليما يلتئم الكسرر
لكن لو فكرتوا فيهااا .. اذا رببطتوا فكين سليمين في بعض شنو يصيرر ؟؟؟
ربط الفكين يؤثر على سلامة الجسم بشكل عام والجهاز الماضغ بشكل خااص وفي امكااانية استمراره في اداء وظيفته بشكل سليم
تعالوا شوفوا اثار ربط الففكين
1. تؤثر على المفصل الفكي السفلي الصدغي بحيث يؤدي الى تحديد حركته مما ينتج عنه ركودة دموية داخل المحفظة المفصلية المحيطة، وفي مرحلة لاحقة قد يحدث بداية تكلس بها وذلك يؤدي الى آثار مرضية دائمة تحد من اداء الفك السفلي لعمله بشكل مناسب في المستقبل.
2. تعاني العضلات الماضغة من الخمول والتعب نتيجة توقفها شبه الكامل عن الحركة وقد تصاب في بعض الاحيان بالتكزز والتشنج الذي يبدي اعراضاً ألمية مختلفة الشدة.
3. القوة الناجمة عن عملية المضغ الطبيعي يكون لها دور منشط للتروية الدموية للسن واللثة والعظم السنخي الداعم للسن تحرض على استمرار النمو الطبيعي وتحافظ على الجهاز الماضغ، فغياب هذه القوة يكون له اثر سلبي في سلامة الاسنان واللثة ونموها السليم.
4.ربط الفكين يعيق اجراء عملية تفريش الاسنان بشكل جيد مما يؤدي الى ابقاء فضلات الطعام متراكمة على الاسنان من ناحية اللسان، وحدوث تخمرات وتعفنات ينجم عنها آثار سلبية في اللثة والاسنان بالاضافة الى رائحة كريهة لا يمكن ازالتها بسهولة. << يعععععع
وفي كثير من الاحيان يجري الاشخاص الذين لديهم ربط فكين محاولات لاشعورية لابعاد الفكين عن بعضهما البعض وهذا يكون له اثر سلبي في ثبات الاسنان ويؤدي الى تخلخلها ورض اللثة نتيجة لذلك.
يؤثر ربط الفكين في عملية التنفس خاصة عند الاشخاص الذين يعانون من مشكلات في الجيوب الأنفية تعيق عملية التنفس الأنفي بصورة طبيعية، وقد تحدث كارثة إذا ما دخل أي طعام أو لعاب داخل المجاري التنفسية مسبباً نوبة سعال شديدة لا يتمكن الفرد من اتمامها بالشكل الطبيعي للتخلص من العوامل المسببة لها.
تعيق عملية ربط الفكين التغذية السليمة وتؤثر في امكانية التزود بالأطعمة الاساسية والضرورية للعمليات الحيوية لجسم الانسان والاصابة بأمراض سوء التغذية التي قد تترك آثاراً دائمة في بعض أجهزة الجسم المختلفة. اضافة الى تأثر الجهاز الهضمي من استمرار تناول الاطعمة السائلة والطرية وظهور بعض الأعراض المرضية عليه.
وغيره وغيره .. انا تخيلوا سمعت ان في بنات ماتوا بعيد الشر عن الكل بسبب هلربط يعني الوحده شررقت وماقدرت تفتح فكها اختنقت وماتت .. ووحده ياتها حاله استفراااغ وتبي تستفرغ ماقدرت وايضا مااتت وبنات سووه من سنه ولليوم يعالجون لثتهم
انا عجبتني فكرته وااااااااااااااااااايد وللحيني اكتب الموضوع وانا ودي اقتنع
تعرفون المشكله ان صرنا نركض ورا الرشاااقه بدون عقلل .. وان من كثر ما ان احنا نبي نصير رشيقات ننسى ان صحتنا اولى .. وننسى نفكر بعقلناا .. وننسى ان للنفس حق عليــج وان يوم القيامة راح تشكي عليج لانج حرمتيها من اشياااء وايد .. بس لا تنسون بعد يمكن تشكي عليج لانج ذبحتيها من الاكل الزااايد
ولا انتواا شراايكم ؟؟