اليوم الفجر ( الجمعة ) حلمت حلم طويل مش متزكراه كويس ولكن معظمه عن زوجي
وفي اخر الحلم كنت قاعدة مع زوج اخت زوجي ( امام في مسجد ) وجاء واحد وحكالنا انو اهوال يوم القيامة اقتربت . انا صرت ادعي ربنا : اللهم ارزقني الجنة وحكيتها 3 مرات او مرتين وصحيت على تخبيط على كتفي . ( قلت في مخي انو هادا زوجي بيصحيني على صلاة الفجر وما لفيت وجهي اشوف مين لاني كنت افكر في الحلم )
فتحت عيوني وكملت دعوتي : اللهم ارزقني الجنة 3 مرات وبعدين لفيت وجهي عشان اشوف زوجي ليش ما صحاني كمان مرة
مالقيت حدا والباب مغلق ماحدا فتحه . استغربت وفهمت انو ماحدا صحاني ولكن ربما من ربي
صحيت وصحيت زوجي على الصلاة ورحت اتوضا وأصلي
اول ما بديت الصلاة اجاني شعور رهيب جداااااااااااااااااااا وهو :
اني راح اموت بعد الصلاة مباشرة . وامنت بهالشي وصرت ادعي ربنا انو يخليني لو يوم عشان اعمل صالحا يرضيه
وصرت ادعي ربنا بالجنة ( انا الحمد لله انسانة ملتزمة )
اطلت صلاتي وانا اتمنى ان اعيش قليلا كي اعمل صالحا
بعد ماخلصت الصلاة مااجاني نوم وقعدت مع زوجي شوي بعدين قرأت قران وأذكار
وبعدين نمت وانا متخيلة اني مش راح اصحى واتخيلت كيف ماما راح تزعل علي لما اموت ومين راح يربي اولادي الصغار . وزعلت اني راح افارقهم واتركهم لهاالزمن
ولما صحيت عاهدت نفسي على التالي :
1- ارضاء زوجي الرضا التاااااااااااااااااااااااااااااااام وفوق ماتتخيلون لانو هو جنتي او ناري
الدنيا مابتسوى واتندمت على اي عمل غلط كنت اعمله
خلاص بخلي زوجي وارضاؤه هو شغلي الشاغل
راح ارضيه ولو على حسابي وعلى حساب راحتي
ماراح اموت الا وهو رااااااااااااااااااضي ومبسوط ان شاءالله
2- وكمان راح اشتغل على امي . امي راضية عني ولكن راح ارضيها اكثرررررررر
3- طبعا ارضاء ربي اول شيء وهذا مفروغ منه عشان هيك ماكنت راح اذكر هالنقطة
بس اللي محيرني كيف ارضي ربي الرضا التام ؟
يعني شو اعمل حتى ارضيه ؟ هل الصلاة على وقتها والقران يوميا والاذكار والصدقات من فترة لفترة كافية ؟؟؟؟؟؟؟؟؟ شو اللي بيرضي ربنا ؟ بنتظر اجابة منكم
التنبيه اللي بدي احكيلكم اياه مش عن يوم القيامة مثلا لااااااااااااااااااااااا
انما عن الموت اللي راح ييجي لكل واحدة منا بدون تنبيه وفجأة
راح نتندم على الصلاة اللي كسلنا عنها يوم
وعن القران اللي هجرناه ( هجران القران هو ترك قراءته لمدة 3 ايام )
وعن الصدقات اللي بخلنا فيها
وعن معصية كلام الزوج والصراخ في وجهه والكلام السيء اللي بنحكيه لصديقاتنا عن ازواجنا
وعن الغيبة والمسبات اللي بنحكيها على بعض
وعن كل شي بنعمله بدون مانفكر ونحس انو ربنا شايفنا
يوم القيامة مابهم الانسان اللي مات
يعني الموت هو التنبيه اللي اجاني من ربي
وهادا اللي بدي انبهكم عليه
الموت
والله مافي احلى من انو الواحد يعمل الفرائض اللي عليه . بنام مرتاح البال
ومافي احلى من الصلاة على وقتها . لازم تصلي الصلاة في اول وقتها يعني اول مايأذن عشان هادا احب الاعمال الى الله
لو صليت على وقتها مابيهمك شو تعملي بعديها بتكوني مرتاحة ومبسوطة
ولا لما تقرأي قران يوميا والله راح تتغيروا اذا حاولت التدبر في كلام الله وليس قراءة سريعة
اخر شي بذكركم بأزواجكم . انا راح اهتم فيه وأسأله كل يووووووم : انت راضي عني ؟؟؟؟
ولا تنسوا سؤالي عن رضا الله
اتمنى من المشرفات ماينقلوه لانو هذا القسم اكثر الاقسام زيارة وبدي الاستفادة
ولانو كلامي عن الزوج اللي مقصرين كتييييييييييييييييير فيه
ومشكوره على التنبيه جزاك الله خير