(ربنا هب لنامن أزواجناوذرياتنا قره اعين)

السلام عليكم و رحمه الله و بركاته
عزيزاتي
انا عضوه جديده معاكم و سجلت عشان عندي ملاحظه و نصيحة .... لان فيه مواضيع غريبه و مكرره هذي اليومين
كم موضوع ينزل عن عدد الأطفال الكثير (تفريخ )و اللي تكره الأطفال يدخلون بيتها! و اللي تبي تتشرط على ضيوفها ما يجيبون عيالهم !!!
ايش فيكم يا بنات ؟
ايش المشكلة ؟
وسعوا صدوركم ، و تعوذوا من ابليس
يا اخواتي يا حبيباتي اللي يتكلمون عن عدد الأطفال
والله انهم نعمه عظيمه و كل مازاد العدد زادت البركه باْذن الله
واقصد الزياده مع التنظيم 👌ياليت الله يعطيني ثمانيه او تسعه ، يا زينهم والله
تدرون ليش أتمنى عدد كبير
لأني أحب يكون عندي عائله كبيره و متفرعه
و لأنهم سند لي بعد الله سبحانه وتعالى سواء كانوا عيال او بنات
وايضاً ما تدرين من يموت و من يعيش !! لعله لو مات واحد يبقى معاك اثنين او ثلاثه
و لو فسد واحد يصلح الله الباقي
و لو تزوج واحد و سحب علي يهتمون بي الباقين
و البنيات يا حليلهن والله ، اللي تسولف معي واللي تنظف اذا جوني ضيوف و اللي تصلح حلا و اللي تكوي ملابسي
يا ربي لا تحرمني
و بعدين اذا تزوجوا واحد داخل و واحد طالع و عيالهم حوالي يالبيييه والله
و بنياتي لا تعبت و تنومت و حده تقعد معاي و وحده تقعد بالبيت تراعي ابوها و اخوانها
وإذا أصلحهم الله و مت اللي يعتمر عني و اللي تدعي لي بالصلاة و اللي يتصدق عني واللي يسوي لي وقف
يا رب يا رب تصلح لي عيالي و عيال من يقرا كلامي
زوجهً اخوي عمرها فوق ال ٤٥ جابت ٣ بنات و ولد
الولد ذحين عنده فشل كلوي حاد و دخل غيبوبه من ٧ أشهر (الله يشفيه) و هي تقول لي انا مدري ايش سطلني ما جبت معاه اثنين ولا ثلاثه
و تقول انا خايفه على بنياتي ما معهن اخوان!!
و هي دايم تنصح المتزوجات خلفوا عدد معقول مع المحافظة على التنظيم طبعا
و بنت عمي يا اخواتي جابت ٢ فقط و كان بينهم ٧ سنوات و خمس سنوات بعد الثاني ....و كانت تقول انا لسه شباب باستمتع و لما صارت ببدايه الثلاثين ماعاد جاتها الدوره و طلع عندها (سن ياس مبكره) والله يا انها متحسفه على السنوات اللي ما خلفت فيها لان الوحدة مو ضامنه ظروفها ا
و اخيراً
الموضوع مجرد رأي خاص ان أصبت فمن الله
و ان اخطات فمن نفسي و من الشيطان