اليوم كان عشانا شي ربيان مشوي مع شوربه قباقب و خبز فرنسي بالليمون والمايونيز
الربيان المشوي :) حلم وتحقق
اول مره اسويها بس طلع يهبللللللللللللللللللللللللللللللللللللللللللللل وايد وايد حلو
الطريقه :
اول شي نسوي التتبيله حق الربيان ( اللي يكون بقشوره ) الربيان للشوي لازم يكون في قشور اوكي
التتبيله :
ربع كون خل
ربع كوب زيت زيتون
ملعقه ملح
ملعقه كمون
ملعقة كركم
ليمونتين
زعتر بري
فلفل احمر حار
ثوم بودره
وخلي الربيان في التتبيله هذه لمده ليله كامله
بعدين الشوي
نجيب شوايه سنعه ونشوي الربيان بالشكل هذا
انا نطرت النار شوي تصير هاديه و حطيت الربيان عليها
بعدين يبت صينيه دائريه و غطيتها بقرصتين من خبز ( الرقاق ) وحطيت الربيان اللي كان مو مستوي حيل بس ريحتها كلها فحم ( ريحه شوي ) و قصيت طماطه و خليتها بالفرن وسكرتها بالقصدير
الماي حق الطماطه و الماي اللي طالع من الربيان خلى الخبز يصير طري رحت فتحت القصديره و خليت النار من فوق وتحت
صارت بالشكل هذا
وهذه صوره اقرب :
وقدمتها مع شوربه القباقب
هذا رابط الشوربه
جزاها الله كل خير صاحبه الشوربه اللي علمتني عليها
http://forum.hawaaworld.com/showthread.php?t=603266
والخبز الفرنسي المدهون بالليمون و المايونيز و الزعتر البري
بالشكل هذا